Poesía

La poesía (del griegu ποίησις \poiesis\'ación, creación; adoción; fabricación; composición, puesía; puema' < ποιέω \poiéo\ 'hazel, fabrical; engendral, dar a luz; obtenel; causal; creal') es un géneru literariu considerau comu una manifestación dela belleça o del sentimientu estéticu por mo dela palabra, en versu o en prosa. Los griegus entendían que podría abel tres tipus de puesía, la lírica o canción, cantá con acompañamientu de lira o arpa de manu, qu'es el segnificau que aluengo endispués se generalizó pala palabra, encrusive sin música; la dramática o teatral i la épica o narrativa. Por eso se sueli entendel generalmenti ogañu comu puesía la poesía lírica. Tamién es comprendia comu una «modalidá textual» (estu es, común tipu de texto). Es frecuenti, ena atualiá, utiliçal el términu «puesía» comu sinónimu de «puesía lírica» o de «lírica», inque , dendi un punto de vista estórico i cultural, esta es un subgéneru o subtipu dela puesía.

El Parnasu (1511) de Rafael: puetas famosus recitan juntu con las nuevi musas ena cimera del monti Parnasu.

La tabla sobre'l diluviu de la epopeya de Gilgamesh, escrita n'acadiu, en forma de poesía.