Quintu Cúrciu Rufu
 Esti artícalu no tien huentis ni referencias |
Quintu Cúrciu Rufu (en latín Quintus Curtius Rufus), hablaol i escrebiol latinu, autol las Historiae Alexandri Magni.
| Quinto Curcio Rufo | ||
|---|---|---|
 | ||
| Enhormación pressonal | ||
| Nacencia |
Siglo Ijuliano valor desconocido | |
| Muerti |
Siglo I África (Antigua Roma) | |
| Enhormación profissional | ||
| Oficiu | Estoriaol, escrevienti y políticu | |
Biografía
EditalCúrciu Rufu preteneció a la gens Curtia, sigún se puei entendel del su nombri. Hueraparti destu, ná mas se conoci desti autol. Es possibri que trebahara de hablaol pol estilu la su obra i que viviera en epoca emperial. Se conoci que vivió en tiempus emperialis pol un passahi la su obra (X 9 1-6), ena que hazi una alabáncia al emperaol, quiziá Cláudiu. De sel ciertu estu, lo situaria pal sigru I ed. C.
Obra
EditalL’obra Cúrciu qu’abemus s’entitula Historiae Alexandri Magni "Estórias Alehandru el Grandi". Namás mos án llegau ochu librus, haltandu los dos primerus, polo qu’el relatu escomiença nel tercel libru, cona toma las Celenas, nel 333 e. C. Amás halta tamién el testu entri los librus V i VI i la parti central el IX.
Estas estórias cuentan los hechus i via Alehandru el Grandi tomandu cumu huenti prencipal los escritus Clitarcu, biógrafu del mesmu sigru en que vivió Alehandru. Con tó i con essu, el estilu retólicu, garifu i con heribequis narrativus hazin desta obra mas qu’una estória u una biografia, una via novelá, andi dessistin cartas, diálogus, escenas tráhicas i otrus repeñicus própius el hablaol que decora quantu dis. Nesti sintiu, s’opón a Arrianu, quien escrebió tamién al tentu Alehandru pero de holma chana i lisa.
Abreviaturas
EditalDalcuerdu con el catálogu el iciónariu Oxford, esti autol alcibi l’abreviatura Curt.
Biblografía
Edital- Oxford Latin Dictionary, Oxford, OUP, 1968.
- Quinto Curcio Rufo, Historia de Alejandro Magno, entrod. i trad. F. Pejenaute Rubio, Gredos, Mairil, 1982.
Atijus p'ahuera
Edital
En Commons ai conteníu multimedia sobre Quintu Cúrciu Rufu.
Datos: Q5959- Multimedia: Quintus Curtius Rufus / Q5959
Citas célebres: Quinto Curcio Rufo
Textos: Autor:Quinto Curcio Rufo
