Ríu Yenissei
El ríu Yenissei (en russu, Енисей, 'Yenisej'; en mongol: Енисей мөрөн, 'Yenisei mörön'; en buriatu: Горлог мүрэн, 'Gorlog müren'; en tuvinianu: Улуг-Хем, 'Uluğ-Hem'; en jacasiu: Ким суг, Kim sug') es un ríu dela Russia asiática o Siberia que naci a Mongolia i frui pal norti por mé delas repúbricas de Tuvá y Jakasia, i el krai de Krasnoyarsk, ata abocal-si nel golfu qu'acibi'l mesmu nombri, nel mari de Kara, oceanu Árticu). Tien una largol de 4.093 km, peru si agarramus tamién el sistema de ríus Yenissei-Angará-Lagu Baikal-Selengá-Ider alcança los 5.539 km, queandu comu'l quintu ríu más longu'l mundu, diendu tras del Amazonas, el Nilu, el Yangzi i el Mississipi-Missuri. Es tamién el otavu ríu con más agua'l mundu.
El cussu altu, afetau de continu por correnteras mu ligeras i barcunás, acorri arias possimenti despuebrás. Pala metá'l ríu abondan las presas idro-eléctricas, costruías enos tiempus delos soviéticus, que brindan energía bastanti a güena parti dela endustria de Russia. El contamineu delas aguas sigui huendu un pobrema mu seriu i los prencipalis sujetus contaminantis no paecin estal pola labol d'arreglal esta sitación. Quandu passa polas zonas que domina'l clima fríu dela taiga, el Yenissei recibi las aguas d'unus pocus de ríus chicus i ala final llega al mari de Kara, passandu por meyu delas plaeras gelás de tundra, andi se güelvi gielu duranti más de seis mesis al añu.
Afotus
Edital
