La reproducion es un processu biológico que premiti la criacion de nuevus organismus, huendu una caraterística común de tolas holmas de via conocias. Las dos modaliais básicas de reproducion s'agrupan en dos tipus, que alcibin los nombris de asessual o vegetativa i de sessual o generativa.

Ciclu de la reproducion sessual.

Tipus de reproducion Edital

 
1.- Meiosis; 2.- Mitosis; 3.- Processu sessual (recombinacion). A.- La meiosis conduci a la holmacion d'esporas (plantas); B.- La meiosis conduci a la holmacion de gametus (p.ej. en animalis); C.- La meiosis es seguia d'enmeyatu pola holmación dun cigoto (p.ej. en hongus).

El processu la replicacion los seris vivus, llamau reproducion, es una las sus caraterísticas mas enportantis. Cria organismus nuevus, que puein reenplaçal a los que s'ayan dañau o espenau. Dessistin dos tipus básicus:[1]

Reproducion asessual Edital

Endilgui prencipal: Reproducion asessual.

Ena reproducion asessual un solu organismu es escapás d'original otros endividus nuevus, que sonin copias essatas del progenitol dendi el puntu de vista genéticu. Un craru ejemplu de reproducion asexssual es la devision de las baterias en dos células ijas, que sonin genéticamenti edénticas. En general, es la holmacion dun nuevu endividu a partil de células matelnas, sin que dessista meiosis, holmacion de gametos o fecundacion. Non ai, polo tantu, entercambeu de material genéticu (ADN). El sel vivu progenitau respeta las caraterísticas i cualiais de los sus progenitoris.

Reproducion sessual Edital

Endilgui prencipal: Reproducion sessual.

La reproducion sessual requieri la entervencion dunu (cromosoma, genera tantu gametus masculinus comu femeninus) o dos endividus, huendu de sessus deferentis, o tamien ermafroditas. Los descendientis producidous comu resultau desti processu biológicu, sedrán frutu la conbinacion el ADN d'ambus dos progenitoris i, por tantu, sedrán genéticamenti destintus a ellus. Esta holma de reproducion es la mas frecuenti enos organismus complejus. Neste tipu de reproducion participan dos células aploides originás por meiosis, los gametus, que s'unirán duranti la fecundacion.

Referéncias Edital

  1. Solomon, Berg, Martin (2001). Biología, 5a. ed. McGraw-Hil Interamericana. ISBN 970-10-3368-X