Revolución francesa

La Revolución francesa fue un confliutu social i políticu, con diversus perious de violencia, que convulsionó la Francia del Antiguo Régimen, i a otrus paísis por estensión de sus implicacionis. Se prencipió cola autoproclamación del Tercer Estau cumu Asamblea Nacional en 1789 i finalizó col golpi d’Estau de Napoleón Bonaparte en 1799, culminandu un procesu de 10 añus.

Toma dela Bastilla, 14 de juliu de 1789

Si bien endispués de que la Primera Repúbrica cayó tras el golpi d’Estau de Napoleón, l'organización política de Francia duranti el sigru XIX osciló entri repúbrica, imperiu i monarquía constitucional, la revolución marcó el final definitivu del feudalismu i del assolutismu nel país, i diu a luz a un nuevu réximi ondi la burguesía, que empleaba n’ocasionis a las massas popularis, si convirtió ena fuerça política dominant. La revolución, más allá de sus estertoris, enfrentó las basis del sistema monárquicu cumu tal, ena medía n’ que impusu con su discursu, iniciativis capazis de volvelu ilexítimu.

Según la estoriografía clássica, la Revolución francesa marca el fin dela Edad Moerna i el niciu dela Edad Contempuránea al sental las basis dela democracia moerna con basi ena representación, lo que la sitúa nel corazón del sigru XIX. Abrió un nuevu orizonti políticu basau nel prencipiu dela soberanía popular, que sedrá el motol delas revolucionis de 1830, de 1848 i de 1871.