En geología se le denomina roca a cá unu los diversus materialis sólidus, formaus por cristalis o granus d'unu o más mineralis,[1] de qu'está hecha la parte sólida la Tierra y otrus cuerpus planetarius. En la Tierra el mantu y la corteza están hechus de roca.[2] El estudiu las rocas se denomina petrología.

Rocas metamórficas (serpentinita plegá, Áustria).
Rocas sedimentarias (areniscas con estratificación cruzá en el Parqui nacional Zion, EE.UU.).

Las rocas se forman por procesus diversus (procesus petrogenéticus), según un ciclu cerrau, llamau ciclu litológicu o ciclu las rocas, en el cual puein intervenil inclusu seris vivus.

Las rocas están constituías, en general, por mezclas heterogéneas de diversus materialis homogéneus y cristalinus, es izil, mineralis. Las rocas poliminerálicas están formaás por granus o cristalis de varias especis mineralógicas y las rocas monominerálicas están constituías por granus o cristalis d'un solu mineral. Las rocas s'estilan ser materialis durus, peru tamién puein sel blandas, com'ocurri en el casu las rocas arcillosas o las arenosas.

En la composición d'una roca puein diferencialsi dos categorías de mineralis:

  1. Mineralis esencialis o mineralis formaores de roca — Son los mineralis que caracterizan la composición d'una determiná roca, los más abundantis en ella.[3] Por ejemplu, el granitu siempri contieni cuarzu, feldespatu y mica. La mayor parti del volumin terrestri está formau por un númeru mu limitau de mineralis.
  2. Mineralis accesorius — Son mineralis qu'aparecin en pequeña proporción (menus del 5 % del volumin total la roca)[4] y qu'en argunus casus puein estal ausentis sin que cambin sustancialmenti las características la roca de la que puedin formal parti. Por ejemplu, el granitu puei contenel zircón y apatitu. Manqui los mineralis acesorius contribuyin una mijina a las propiedáis hundamentalis la roca, puein sel mu característicus e importantis pala su identificación, afectandu a propiedáis comu'l colol.

Guípesi tamiénEditar

ReferénciasEditar

  1. Andrés, Dulce María. "Formación Profesional Básica - Ciencias aplicadas II". https://books.google.es/books?id=4e_JCQAAQBAJ&pg=PA177&dq=roca+materiales+s%C3%B3lidos&hl=es&sa=X&ved=0ahUKEwjis6Tl6qzZAhUKVhQKHXUrAaYQ6AEIJzAA#v=onepage&q=roca%20materiales%20s%C3%B3lidos&f=false isbn 9788490785508. Guerra, Francisco Javier
  2. Kalman, Bobbie. "Las montañas de la tierra". https://books.google.es/books?id=lg7l45HdSoMC&pg=PA10&dq=Tierra+el+manto+y+la+corteza+est%C3%A1n+hechos+de+roca&hl=es&sa=X&ved=0ahUKEwjI3PuI66zZAhWKcRQKHY_dCucQ6AEIJzAA#v=onepage&q=Tierra%20el%20manto%20y%20la%20corteza%20est%C3%A1n%20hechos%20de%20roca&f=false (2009).
  3. Real Academia de Ciencias Exactas, Físicas y Naturales. «mineral esencial». Vocabulario Científico y Técnico. Consultado el 4 de febrero de 2017.
  4. Real Academia de Ciencias Exactas, Físicas y Naturales. «mineral accesorio». Vocabulario Científico y Técnico. Consultado el 4 de febrero de 2017.

AtijusEditar