Güiquipeya

Rosamund Pike

atrís británica de cini i televisión

Rosamund Mary Ellen Pike (Hammersmith, Ingalaterra, 27 d'aneru del 1979), es una atrís británica de cini i televisión, qu'á síu nombrá a varius premius dentri los qu'estan el Óscar, el Grobu d'Oru, el BAFTA, el premiu SAG i tolos premius ena crassi de mejol atrís.

Rosamund Pike

Rosamund Pike en 2018
Enhormación pressonal
Nombri de nacencia Rosamund Mary Ellen Pike Ver y modificar los datos en Wikidata
Nacencia 27 de enero de 1979 Ver y modificar los datos en Wikidata (45 años)
Hammersmith (Londri, Réinu Uniu) Ver y modificar los datos en Wikidata
Nacionalidá Británica
Caraitirísticas físicas
Altol 1,74 m Ver y modificar los datos en Wikidata
Ojus Azul Ver y modificar los datos en Wikidata
Familia
Padre Julian Pike Ver y modificar los datos en Wikidata
Collera Robie Uniacke (desde 2009) Ver y modificar los datos en Wikidata
Ijus 2 Ver y modificar los datos en Wikidata
Educación
Educau en
  • Wadham College
  • Badminton School Ver y modificar los datos en Wikidata
Enhormación profissional
Oficiu Atol de vos, atol de teatru, atol de cini, atol de televisión, narrador y atol Ver y modificar los datos en Wikidata
Añus ativu desde 1998
Estrumentu Violonchelo Ver y modificar los datos en Wikidata
Destincionis
  • Audie Award for Best Female Narrator
  • Primetime Emmy Award for Outstanding Actress in a Short Form Comedy or Drama Series (2019) Ver y modificar los datos en Wikidata
[editar datos en Wikidata]

Biografía

Edital

La su nacencia hue en Hammersmith n'Ingalaterra, el ventissieti d'aneru del 1979 i era la ija solegia de Caroline i Julian Pike, dambus dos cantantis d'ópera. Assestió al Badminton School en Bristol anantis de estuyal literatura ingresa en Wadham College, Oxford. Pallí le dió los sus estuyus Bernard O'Donoghue, el ganaol del Premiu Whitbread, i amás Robert J.C. Young, el anombrau teóricu poscoloñal. Hue una estuyanti brillosa i conseguió un primel lugal enos sus dessámis del primel añu, que sonin conocíus comu Moderations. Endispués d'estal un añu p'acontinal cona su carrera comu atrís, golvió p'acabijal los sus estuyus i agencial-si el su títulu nel añu 2001.[1][2][3]

Aluspués, anduvu habrandu por dos añus col atol Simon Woods, al que conoció ena nuversidá, peru aluspués, nel añu 2005 esmençó a salil col diretol Joe Wright, que le hizu comprometimientu nel lagu Como en Italia, en setiembri del añu 2007, peru la collera acabijó l'avenencia nel 2008, endispués d'adial el casoriu.[4][5] En deziembri del añu 2009 s'arrejuntó col impresariu Robie Uniacke, qu'era deziochu añus mas grandi qu'ella. En hebreru del 2012, anunciarun que andavan asperandu'l su primel iju i dió a lús al su iju el seis de mayu del 2012. Aluspués, en juñu del 2014, la atrís anunció qu'asperava a sotru iju del su ombri i el dos de deziembri del 2014 dió a lús al su segunderu iju mentau comu Atom.[6][7]

Á síu conocía entrenacionalmenti polos sus pessonagis dela villana Miranda Frost ena penícula de James Bond mentá comu Die Another Day, Jane Bennet en Pride and Prejudice nel 2005 i Amy Dunne en Gone Girl. Ena televisión, dissalin los sus papelis en A Rather English Marriage nel 1998, Wives and Daughters nel 1999, Love in a Cold Climate nel 2001, State of the Union nel 2019, The Wheel of Time nel 2021 i mas. Tamién pareció comu Sarah Beaumont nun epissodiu dela serii Foyle's War nel 2002. Ogañu vivi en West End n'Ingalaterra, es una alvertía tocandu'l violonchelu i palra con fruidés alemán i francés.[8][9]

Correúra profissional

Edital

Mentris andava entavía en Oxford, entrepetó i derigió angunas obras de teatru, mesmamenti una de Simon Chesterman, qu'antoncis era un estuyanti de posgrau. Hizu paricionis en pogramas dela televisión británicus, encruíus A Rather English Marriage nel 1998, Wives and Daughters nel 1999 i la miniserii Love in a Cold Climate nel 2001. Tamién pareció nel 2002 comu Sarah Beaumont nun epissodiu dela serii Foyle's War.[10]

Endispués de graual-si, le brindarun un papel comu zagala Bond i agenti del MI6 assisná pa ayual a James Bond ena penícula Die Another Day. Tamién pareció nel pograma Bond Girls Are Forever i endispuesinu, nel omenagi BAFTA ala serii de penículas de James Bond. Alogu, entrepetó a Elizabeth Malet en The Libertine nel 2004, coprotagonizá por Johnny Depp, pola que ganó el premiu del Cini Endependienti Británicu ala mejol atrís de repartu. Essi mesmu añu, entrepetó tamién a Rose en Promised Land, una penícula sobri Israel i protagonizó ala centífica Samantha Grimm ena adatación al cini dela serii de juegus de computaol mentaus comu Doom.[11][12]

 
Rosamund nel 2010.

Nel 2005, pareció comu Jane, la ermana mas grandi de Elizabeth, entrepetá por Keira Knightley, en Ergullu i prejuíziu. Alogu, protagonizó la adatación al cini dela novela Fugitive Pieces d'Anne Michaels. Entrepetó tamién a una dessitosa avogá ena penícula Fracture, junta Anthony Hopkins i Ryan Gosling. Nel 2008, protagonizó las obras de teatru Hitchcock Blonde de Terry Johnson i Summer and Smoke de Tennessee Williams, dambas dos nel West End de Londri i Gas Light nel Old Vic Theatre de Londri. Nel 2009, entrepetó el pessonagi prencipal de Madame De Sade pola temporá del West End de Donmar. Nel 2010, pareció ena penícula británica Made in Dagenham i ena penícula canadiensi Barney's Version aondi entrepetava a Miriam. Essi mesmu añu, protagonizó una produción de Hedda Gabler nuna gira pol Reinu Uníu. Tamién gravó el trebaju de vos pa un papel prencipal ena penícula Jackboots on Whitehall nel 2010 i emprestó la su vos pa una serii d'udiulibrus de James Bond, mentaus comu The Spy Who Loved me.[13][14]

 
Pike junta Ben Affleck.

Nel 2012, entrepetó el papel dela Reina Andrómeda, dela mitología, ena epopeya de fantesía Wrath of the Titans i rempraçó a Alexa Davalos, que avía hechu'l papel en Clash of the Titans, peru avía abandonau devíu a un conflitu de pogramación. Amás, entrepetó a Helen Rodin, la protagonista feminina junta Tom Cruise nel thriller mentau comu Jack Reacher, una adatación dela novela One Shot de l'escrevienti Lee Child. La penícula tuvu una receción crítica derechera i agenció mas de dozientus deziochu millonis de dolaris.[15][16]

Protagonizó el thriller sicológicu Gone Girl nel 2014, derigiu por David Fincher, una adatación al cini dela novela del mesmu nombri de Gillian Flynn i junta Ben Affleck, entrepetó a Amy Dunne. Sigún Fincher, hue el su primel elegimientu pa esti papel, pos quería angunu que no huera anombrau, pos ella no avía pareciu en nengún papel prencipal emportanti anantis de l'esmiençu dela penícula, que s'inaguró nel LIII Festil de Cini de New York, aondi la penícula i la entrepetación della tuvierun grandis alabanças dela crítica.[17][18]

 
Rosamund Pike

Dendi'l 2015, emprestó la su vos a Lady Penelope Creighton-Ward ena nueva vessión de Thunderbirds Are Go producía por ITV Studios por juntu con Weta Workshop. En hebreru del 2016, protagonizó el vídiu musical de Voodoo in My Blood de Massive Attack i nel 2018, hue escogía comu la corresponsal dela guerra Marie Colvin en A Private War, derigía por Matthew Heineman i basá en Marie Colvin's Private War, un artícalu de Vanity Fair escrevíu por Marie Brenner. Nel 2019, hue escogía pal papel de Moraine ena adatación de Amazon Prime Video dela eúrica fantesía de Robert Jordan en The Wheel of Time, que s'inaguró en novembri del 2021. Dendi antoncis á pareciu enas dos temporás inagurás de The Wheel of Time.[8][9][19]

Nel 2021, entrepetó ala estafaora Marla Grayson, nel thriller policial I Care a Lot, derigíu por J Blakeson i coprotagonizau por Peter Dinklage, Eiza González i Dianne Wiest. La su entrepetación acebió grandis alabanças. David Rooney de The Hollywood Reporter dixu que Rosamund Pike aporta una eficacia crara i una inmoralidá enespressiva a un tutol leal. Papel pol que ganó el premiu Grobu d'Oru ala mejol atrís de comedia o musical.[20][21] Amás, protagonizó i hue produtora executiva del podcast de fición estórica d'ochu epissodius Edith!, que hazi drama dun pedíoru duranti la presiencia de Woodrow Wilson, quandu queó incapás por un derramu nel celebru i la Primel Dama Edith Wilson tomó el mandu del poel mentris s'endonava'l su ombri. Clark Gregg entrepeta'l papel del presienti Woodrow Wilson i Esther Povitsky entrepeta a Trudy Grayson, qu'era la mejol amega dela Primel Dama. Nel 2022, anunció que diva a protagonizal el segunderu largumetragi de Emerald Fennell, la penícula Saltburn.[22][23][24]

Filmografía

Edital

Cini

Edital
Añu Títulu Papel Notas
2002 Die Another Day Miranda Frost
2004 Promised Land Rose
2004 The Libertine Elizabeth Malet
2005 Pride & Prejudice Jane Bennet
2005 Doom Samantha Grimm
2007 Fracture Nikki Gardner
2007 Fugitive Pieces Alex
2009 An Education Helen
2009 Surrogates Maggie Greer
2010 Burning Palms Dedra Davenport
2010 Jackboots on Whitehall Daisy Vos
2010 Barney's Version Miriam Grant-Panofsky
2010 Made in Dagenham Lisa Hopkins
2011 The Organ Grinder's Monkey Rochelle Cortumetragi
2011 Johnny English Reborn Kate Sumner
2011 The Big Year Jessica
2012 The Devil You Know Zoe Hughes
2012 Wrath of the Titans Reina Andrómeda
2012 Jack Reacher Helen Rodin
2013 The World's End Sam Chamberlain
2014 A Long Way Down Penny
2014 Hector and the Search for Happiness Clara
2014 What We Did on Our Holiday Abi McLeod
2014 Gone Girl Amy Elliott Dunne
2015 Return to Sender Miranda Wells
2016 A United Kingdom Ruth Williams
2017 The Man with the Iron Heart Lisa Von Osten
2017 Hostiles Rosalie Quaid
2018 Beirut Sandy Crowder
2018 Entebbe Brigitte Kuhlmann
2018 A Private War Marie Colvin
2019 The Informer Wilcox
2020 Radioactive Marie Curie
2020 I Care a Lot Marla Grayson
2021 Evidence of it All Narraol Vos en cortumetragi
2023 Saltburn Elspeth Catton
2024 Hallow Road Mairi Posprodución

Televisión

Edital
Añu Títulu Papel Notas
1998 A Rather English Marriage Celia Penícula
1999 Wives and Daughters Lady Harriet Cumnor Miniserii
2000 Trial & Retribution Lucy Epissodiu: Trial & Retribution IV Parti 1
2001 Love in a Cold Climate Fanny Miniserii, dos epissodius
2002 Foyle's War Sarah Beaumont Epissodiu: The German Woman
2002 Bond Girls Are Forever Ella mesma Decumental
2008 The Tower Olivia Wynn Penícula
2009 Freefall Anna Penícula
2009 Yesterday We Were in America Narraora
2011 Women in Love Gudrun Brangwen Penícula
2015 - 2016 Thunderbirds Are Go Lady Penelope Vos, catorzi epissodius
2019 Archibald's Next Big Thing Narraora Vos, trezi epissodius
2019 State of the Union Louise diés epissodius
2020 Moominvalley Moominmamma Vos, ventisseis epissodius
2021 - presente The Wheel of Time Moraine Damodred Repartu Prencipal
2024 3 Body Problem No hazi d'atrís Produtora executiva

Teatru

Edital
Añu Obra de teatru Papel
2002 Hitchcock Blonde The Blonde
2006 Summer and Smoke Alma Winemiller
2009 Madame de Sade Renee
2010 Hedda Gabler Hedda Gabler

Podcast

Edital
Añu Títulu Papel Notas
2021 Edith! Primel dama de Edith Wilson Tolos epissodius i tamién produtora executiva
2023 People Who Knew Me Connie Prynne/Emily Morris Tolos epissodius
Mother, Neighbor, Russian Spy Narraora Tolos epissodius

Premius i nombracionis

Edital
Premius Oscar
Añu Géneru Penícula Resultau
2015 Mejol atrís Gone Girl Nombrá
Premius BAFTA
Añu Géneru Penícula Resultau
2014 Mejol atrís Gone Girl Nombrá
2023 Mejol atrís de repartu Saltburn Nombrá
Premius BIFA
Añu Géneru Penícula Resultau
2004 Mejol atrís de repartu The Libertine Ganaora
2009 An Education Nombrá
2010 Made in Dagenham Nombrá
Premius Grobus d'Oru
Añu Géneru Penícula Resultau
2015 Mejol atrís en Drama Gone Girl Nombrá
2019 A Private War Nombrá
2021 Mejol atrís en Comedia o Musical I Care a Lot Ganaora
2023 Mejol atrís de repartu Saltburn Nombrá
Premius Primetime Emmy
Añu Géneru Serii Resultau
2019 Mejol atrís dun cortu de comedia o drama State of the Union Ganaora
Premius del Sendicatu d'Atoris
Añu Géneru Penícula Resultau
2010 Mejol repartu An Education Nombrá
2014 Mejol atrís Gone Girl Nombrá
Premius Sant Jordi
Añu Géneru Penícula Resultau
2015 Mejol atrís de penícula estrangera Gone Girl Ganaora

Udiulibrus

Edital
  • Restless, novela del 2007. ISBN 978-0747586203 ASIN B000JCESY8
  • The Magician's Apprentice, del 2009. ISBN 978-1841495903 ASIN B00JHNTY3U
  • The Bolter, del 2009. ISBN 978-0307476425 ASIN B00JHNU2EA
  • The Spy Who Loved Me, novela del 2014. ISBN 978-0670665938 ASIN B00977PYTE
  • The Hours, novela, A BBC Radio 4 Full-cast Dramatisation, del 2018. ISBN 0-374-17289-7 ASIN B07DYDRXPY
  • Pride and Prejudice, del 2015. ISBN 979-8565411881 ASIN B016LN4BYA
  • Sense and Sensibility, del 2018. ISBN 978-1980245094 ASIN B07FDJPVWX
  • A Slow Fire Burning, del 2021. ISBN 978-0735211230 ASIN B08PG3YNST
  • The Eye of the World, del 2021. ISBN 0-312-85009-3 ASIN B09JT5JR49
  • The Great Hunt, del 2022. ISBN 0-312-85140-5 ASIN B0B7KGZLKB
  • Origins of The Wheel of Time. The Legends and Mythologies that Inspired Robert Jordan, del 2021. ISBN 978-1250860521 ASIN B0B725LXC6
  • The Dragon Reborn, del 2023. ISBN 0-312-85248-7 ASIN B0B7KLSK3K
  • The Shadow Rising, del 2024. ISBN 0-312-854-31-5 ASIN B0D94V1ZYD

Referencias

Edital
  1. ↑ «Rosamund Pike interview». The Telegraph (en inglés). 18 de marçu del 2009. Consultado el 24 de novembri del 2024. 
  2. ↑ «PressReader.com - Digital Newspaper & Magazine Subscriptions». www.pressreader.com. Consultado el 24 de novembri del 2024. 
  3. ↑ «Pandora: Tendulkar ton is news to Shilpa». The Independent (en inglés). 19 de deziembri del 2008. Consultado el 24 de novembri del 2024. 
  4. ↑ «Rosamund Pike gets a ring from Mr Wright». Mail Online. Consultado el 24 de novembri del 2024. 
  5. ↑ Nicholl, Katie (01 de juñu del 2008). «007 girl Rosamund Pike cancels her wedding». Mail Online. Consultado el 24 de novembri del 2024. 
  6. ↑ Nicholl, Katie (25 de hebreru del 2012). «KATIE NICHOLL: James Bond star Rosamund Pike expecting first child with lover 16 years her senior». Mail Online. Consultado el 24 de novembri del 2024. 
  7. ↑ Thomas, Kate (13 d'abril del 2015). «Rosamund Pike cradles baby son Atom to her chest after family holiday». Mail Online. Consultado el 24 de novembri del 2024. 
  8. ↑ 8,0 8,1 «Rosamund Pike: from Bond girl to Gone Girl to leading woman». The Irish Times (en inglés). Consultado el 24 de novembri del 2024. 
  9. ↑ 9,0 9,1 Petski, Denise (19 de juñu del 2019). «Rosamund Pike To Star In ‘The Wheel Of Time’ TV Adaptation At Amazon». Deadline (en inglés estadounidense). Consultado el 24 de novembri del 2024. 
  10. ↑ «Everything Before The But Is A Lie». www.dailyinfo.co.uk. Consultado el 24 de novembri del 2024. 
  11. ↑ Husband, Stuart (12 d'otubri del 2002). «The name's Pike, Rosamund Pike». The Observer (en inglés británico). ISSN 0029-7712. Consultado el 24 de novembri del 2024. 
  12. ↑ «Movies Dad» (en inglés). Consultado el 24 de novembri del 2024. 
  13. ↑ «Rosamund Pike · BIFA · British Independent Film Awards». BIFA · British Independent Film Awards (en inglés británico). 12 d'otubri del 2018. Consultado el 24 de novembri del 2024. 
  14. ↑ Wiseman, Andreas (20 d'abril del 2023). «Rosamund Pike To Narrate Audible & BBC Spy Series Podcast ‘Mother, Neighbor, Russian Spy’». Deadline (en inglés estadounidense). Consultado el 24 de novembri del 2024. 
  15. ↑ Young, Paul (09 de hebreru del 2011). «Rosamund Pike Joins 'Wrath of the Titans' as Andromeda». ScreenRant (en inglés). Consultado el 24 de novembri del 2024. 
  16. ↑ «Rosamund Pike signs up for Wrath Of The Titans, drops out of Superman race | Den of Geek». web.archive.org. 22 de hebreru del 2014. Archivado desde el original el 22 de febrero de 2014. Consultado el 24 de novembri del 2024. 
  17. ↑ News, Heartland (12 de setiembri del 2013). «'Gone Girl' starts filming in Cape Girardeau». https://www.kfvs12.com (en inglés). Consultado el 24 de novembri del 2024. 
  18. ↑ «Gone Girl | Rotten Tomatoes». www.rottentomatoes.com (en inglés). Consultado el 24 de novembri del 2024. 
  19. ↑ Kreps, Daniel (23 de hebreru del 2016). «Massive Attack Recruit Rosamund Pike for Haunting New Video». Rolling Stone (en inglés estadounidense). Consultado el 24 de novembri del 2024. 
  20. ↑ Rooney, David (13 de setiembri del 2020). «‘I Care a Lot’: Film Review | TIFF 2020». The Hollywood Reporter (en inglés estadounidense). Consultado el 24 de novembri del 2024. 
  21. ↑ Perez, Lexy (01 de marçu del 2021). «Golden Globes: Rosamund Pike Thanks “America’s Broken Legal System” After Best Actress Win». The Hollywood Reporter (en inglés estadounidense). Consultado el 24 de novembri del 2024. 
  22. ↑ Marks, Andrea (10 de juño del 2021). «Historical Fiction Podcast 'Edith!' Stars Rosamund Pike as Former First Lady». Rolling Stone (en inglés estadounidense). Consultado el 24 de novembri del 2024. 
  23. ↑ Quah, Nicholas (28 de jullu del 2021). «Rosamund Pike Is First Lady Edith Wilson (and 3 More Podcasts Worth Trying)». Vulture (en inglés). Consultado el 24 de novembri del 2024. 
  24. ↑ Bamigboye, Baz (11 de mayu del 2022). «Rosamund Pike To Star In ‘Promising Young Woman’ Filmmaker Emerald Fennell’s New Film». Deadline (en inglés estadounidense). Consultado el 24 de novembri del 2024. 

Atijus p'ahuera

Edital
Arrecuperau dendi "https://ext.wikipedia.org/w/index.php?title=Rosamund_Pike&oldid=133284"