Sépalu

Nesta página se gasta una ortografía destinta ala que normalmenti se gasta ena Güiquipedia.

En botánica, se llama sépalu a la pieza froral que jolma el calis ena frol duna pranta angiosperma.

Los sépalus sonin los qu'engüervin las otras piezas froralis ena primel fasi d'esarrollu, cuandu la frol es namás qu'un capullu. Tamién evitan, enas aspecis entomófilas, que los bichinus lleguin al néctal sin passal polos estambris y estigmas.

El númiru sépalus en una frol es un caraiti emportanti pa la crassificación y identificación duna aspeci.

Dexisti una varieá considerabri ena jolma los sépalus entre aspecis diferentis. A menú los sépalus sonin mu chiqueninus y apaecin cumu dientis u crestas. Ejemprus de froris con periantus mu chiqueninus puen enjallalsi entre las graminias.