Güiquipeya

SIDA

La infeción pol virus la inmunodeficiencia umana y el síndrome d'inmunodeficiencia adquiría (VIH/sida)[1] son un espectru de malotias causás pola infeción causá pol virus la inmunodeficiencia umana (VIH).[2][3][4][5] Tras la infeción inicial, una persona puei no notal síntoma argunu o bien puei experimental un periodo brevi de cuadru tipu influenza.[6] Típicamenti, le sigui un periodu prolongau sin síntomas.[7] A midía que la infeción progresa, interfieri más con el sistema inmunitariu, aumentandu el riesgu d'infeciones comunes comu la tuberculosis, además d'otras infecionis oportunistas y tumoris que raramenti afectan a las personas con un sistema inmunitariu indemni.[6][5] Estus síntomas tardíus d'infeción se conocin comu sida,[7] etapa que a menú tamién está asociá con pérdida de pesu.[7]

El VIH se contagia prencipalmenti por sexu desprotegíu (incluíu sexu anal y oral), transfusionis de sangri contaminá, agujas hipodérmicas y de la mairi al niñu duranti el embarazu, partu o lactancia.[8] Argunus fluíus corporalis, comu la saliva y las lágrimas, no transmitin el VIH.[9] Entri los métodus de prevención s'encuentran el sexu seguru, los programas d'intercambiu d'agujas, el tratamientu a los infectaus y la circuncisión.[6] La infeción del bebé a menú puei prevenilsi al dal medicación antirretroviral tantu a la mairi comu'l niñu.[6] No ai nenguna cura o vacuna; no obstanti, el tratamientu antirretroviral puei retrasal el cursu la malotia y puei lleval a una expectativa de vía cercana a la normal.[7][10] Se recomienda inicial el tratamientu conformi se haga el diagnósticu.[11] Sin tratamientu, el tiempu de sobrevía promeyu endispués de la infeción es 11 añus.[12]

En 2014 aproximadamenti 36,9 millonis de personas vivían con VIH y causó 1,2 millonis de muertis.[6] La mayoría los infectaus vivin en el África subsahariana.[6] Entri el su descubrimientu y el 2014 el sida á causau un estimau de 39 millonis de muertis en tó el mundu.[13] El VIH/sida se considera una pandemia: un broti de malotia presenti en un área grandi y con propagación activa.[14] Sobri la basi de estudius genéticus, s'á determinau que'l VIH es una mutación del VIS que se transmitió a los umanus entri 1910 y 1930, en el centru-oesti d'África.[15] El sida hue reconocíu por primera vezi polos Centrus pal Control y Prevención de Malotias los Estaus Uníus en 1981 y la su causa (l'infeción por VIH) s'identificó a prencipius d'icha década.[16]

El VIH/sida á teníu un gran impactu en la sociedá, tantu malotia como huenti de discriminación.[17] La malotia tamién tié huertis impactus económicus.[17] Ai una hartá ideas equivocaás sobri el VIH/sida comu la creencia de que puei transmitilsi por contactu casual no sexual.[18] La malotia á síu centru d'una hartá controversias relacionás a la religión, incluía la decisión l'Elésia católica de no apoyal el usu de preservativo comu prevención.[19] El VIH/sida á atraíu l'atención internacional méica y política asín comu financiación masiva dendi la su identificación en los añus 1980.[20]

Guípesi tamién

Edital

Huentis

Edital

Referéncias

Edital
  1. ↑ Según el Izionariuo panhispánicu de dudas la RAE, el acrónimu «sida» va con minúsculas porqui s'á incorporau al léxicu común. L'Organización Panamericana la Salú tamién recomienda el usu de minúsculas.
  2. ↑ Sepkowitz KA "AIDS—the first 20 years". N. Engl. J. Med. volumen 344 número 23 páginas 1764-72. pmid 11396444 doi 10.1056/NEJM200106073442306
  3. ↑ Alexander Krämer, Mirjam Kretzschmar, Klaus Krickeberg. "Modern infectious disease epidemiology concepts, methods, mathematical models, and public health" (2010). Springer. ISBN 9780387938356 página 88 https://books.google.com/books?id=Di0_5x82HykC&pg=PA88}}
  4. ↑ Wilhelm Kirch "Encyclopedia of public health" (2008). Springer. ISBN 9781402056130 páginas 676-677 https://books.google.com/books?id=eSPK7-CHw7oC&pg=PA676}}
  5. ↑ 5,0 5,1 Cabrera Calero, Antonio María; Sanz Esteban, Miguel; Bárcena Rodríguez, Jesús. (2011) "Biología y Geología". volumen 4 página 237. Enfermedades y hábitos saludables. Oxford University Press España Sociedad Anónima. ISBN 9788467364477
  6. ↑ 6,0 6,1 6,2 6,3 6,4 6,5 HIV/AIDS Fact sheet N°360 http://www.who.int/mediacentre/factsheets/fs360/en/
  7. ↑ 7,0 7,1 7,2 7,3 About HIV/AIDS http://www.cdc.gov/hiv/basics/whatishiv.html
  8. ↑ Markowitz. "Environmental and occupational medicine". (2007). Wolters Kluwer/Lippincott Williams & Wilkins. ISBN 978-0-7817-6299-1 página 745 https://books.google.com/books?id=H4Sv9XY296oC&pg=PA745
  9. ↑ Centers for Disease Control and Prevention. (2003) http://www.cdc.gov/HIV/pubs/facts/transmission.htm HIV and Its Transmission https://web.archive.org/web/20050204141148/http://www.cdc.gov/HIV/pubs/facts/transmission.htm
  10. ↑ The quest for an HIV vaccine http://www.unaids.org/en/resources/presscentre/featurestories/2012/may/20120518vaccinesday/
  11. ↑ Guideline on when to start antiretroviral therapy and on pre-exposure prophylaxis for HIV. (2015). WHO. ISBN 9789241509565 página 13 http://apps.who.int/iris/bitstream/10665/186275/1/9789241509565_eng.pdf?ua=1
  12. ↑ UNAIDS, WHO. 2007 AIDS epidemic update http://data.unaids.org/pub/EPISlides/2007/2007_epiupdate_en.pdf
  13. ↑ Basic Statistics http://www.cdc.gov/hiv/basics/statistics.html
  14. ↑ Journal of Internal Medicine (2008). volumen 263 número 3 páginas 218-43. "The first postmodern pandemic: 25 years of HIV/AIDS". Kallings LO. doi 10.1111/j.1365-2796.2007.01910.x pmid 18205765 http://www.doi.org/10.1111/j.1365-2796.2007.01910.x
  15. ↑ Sharp PM; Hahn, BH. "Origins of HIV and the AIDS Pandemic". Cold Spring Harbor perspectives in medicine. volumen 1 número 1 páginas a006841. pmid 22229120 doi 10.1101/cshperspect.a006841 pmc 3234451
  16. ↑ Gallo RC. "A reflection on HIV/AIDS research after 25 years". Retrovirology. volumen 3 página 72. (2006). pmid 17054781 doi 10.1186/1742-4690-3-72 http://www.retrovirology.com/content/3//72%7Cpmc=1629027 número 1
  17. ↑ 17,0 17,1 UNAIDS. (2006). "2006 Report on the global AIDS epidemic". The impact of AIDS on people and societies. http://data.unaids.org/pub/GlobalReport/2006/2006_GR_CH04_en.pdf ISBN 92-9173-479-9
  18. ↑ Myth Busters http://austintexas.gov/page/myth-busters
  19. ↑ McCullom Rob. "An African Pope Won't Change the Vatican's Views on Condoms and AIDS previousnext An African Pope Won't Change the Vatican's Views on Condoms and AIDS". http://www.theatlantic.com/sexes/archive/2013/02/an-african-pope-wont-change-the-vaticans-views-on-condoms-and-aids/273535/
  20. ↑ Harden, Victoria Angela. "AIDS at 30: A History". Potomac Books Inc. (2012). página 324. ISBN 1-59797-294-0

Bibliografía

Edital

Atijus

Edital
  •   En Commons ai conteníu multimedia sobre SIDA.
  • Microbiología clínica (on-line). Tema 4: Virus de la inmunodeficiencia humana 
  • PortalSida, información sobre VIH/sida en español)
  • ONUSIDA, programa las Nacionis Unías sobri el VIH/sida
  • infoSIDA, información sobri el tratamientu, prevención e investigación del VIH/sida, Departamentu de Salú y Servicios Socialis los Estaus Uníus
Arrecuperau dendi "https://ext.wikipedia.org/w/index.php?title=SIDA&oldid=126687"