Sistema nerviosu
 Esti artícalu es un encetu
Si te apeta, pueis enlial-ti a trebajal en él, precurandu más información i amejorandu lo escritu. |
El sistema nerviosu o aparatu nerviosu es un conjuntu de células especializas ena condución de señalis elétricas.[1] El sistema nerviosu está hormau pol neuronas i células glialis. Las neuronas tinin la hunción de cordinal las acionis delos animalis pol meyu de señalis químicas i elétricas envias dun lugal a otru del organismu. La mayol parti delos animalis pluricelularis tinin sistemas nerviosus con caraterísticas básicas similaris, anque con grau de complejidá mu variabli. Únicamenti carezin de él los animalis que nu tienin tejius i órganus bien diferenziaus cumu los poríferus, placozous i mesozous. [2]
El sistema nerviosu cata estímulus del entornu (estímulus externus) o señalis del mesmu organismu (estímulis internos), prozesa la enhormación i genera respuestas diferentis sigún la situación. A modu de ejemplu podemus consideral un animal que a travis delas células sensiblis a la lus dela retina cata la proximidá de otru sel vivu. Esta enhormación es transmitia meyianti el nerviu ópticu al cerebru que la prozesa i emiti una señal nerviosa que a travis delos nervius motoris provoca la contración de ciertus músculus con el objetivu de desplazalsi en direción contraria al peligru potencial. [3]
Huentis
Edital- ↑ Torres, A. (2017). Partes del Sistema Nervioso: funciones y estructuras anatómicas. Recuperado de:https://psicologiaymente.com/neurociencias/partes-sistema-nervioso
- ↑ Frank H. Netter; Regina V. Dingle (1987). Sistema nervioso. Parte 1, Anatomía y fisiología. Salvat. p. 131. ISBN 8434514427. OCLC 629724307.
- ↑ Teresa Pagés Costas; Josefina Blasco Mínguez; Luis Palacios Raufast; V. Alfaro (2005). Fisiología animal. Universitat de Barcelona. p. 47-48. ISBN 8447530108. OCLC 433435358.