El sul es el puntu cardinal que endica, sobri un meridianu, la direción al polu sul geográficu. Es unu delos quatru puntus cardinalis, situau diametralmenti opuestu al norti. Es la direción a lo largu dun meridianu a 90° en sentiu orariu del salienti. Nel hemisferiu norti, en latitudis superioris al trópicu de Cáncel, coincidi con la posición del Sol al mediodía; nel hemisferiu sul es, al contrariu, el puntu cardinal opuestu a la posición del Sol al mediodía.

Se sueli denominal así tantu al puntu cardinal cumu a la direción i a la comarca o parti inferiol dun país o çona geográfica, que pol convención se representa ena çona inferiol​ de mapas, cartas i pranus. La recta meridiana sobri el orizonti pasa pol dos puntus: el norti i el sul. Lo que es del sul, está nel sul o pertenezi al sul, se denomina sureñu, austral o meridional.