Super 8

Super 8 [ˈsupɛɾ ˈoʧo] son un grupu montijanu música endependienti, punteru en el panorama musical estremeñu.

Estoria

Los Super 8 escomiençan en Hebreru el 1999, tocandu en baris i localis la localidá pacensi de Montiju.

En essi mesmu añu graban la su primel maqueta en baxu los endilguis Dr. Ecce Homo i prencipian a tenel fama enos ámbitus la música endependienti el panorama musical español, tocandu en festivalis estremeñus comu el Contem-pop-ranea Abuquerqui i el Zorrock en Puebla la Reina. Graban tamién un directu pal pograma RNE-3 Diario pop.

En setiembri el 1999, la maqueta Fotogramas es premiá pola revista RockdeLux, lo que le premiti graval el su primel discu estudiu. Guía para oler colores se gravó entre Diziembri 2000 i Eneru 2001, enos estudius Sonoland en Mairil, embaxu los endilguis el produtol i músicu Fino Oyonarte. Los Super 8 tuvun la mala folla de namás destribuil BMG/Ariola unas 3000 copias sin promoción denguna, acetu el sostribu que uvun pol mé los arradius.

El grupu se desentanguiló en el 2002 endispués dun periodu conciertus i actuacionis pal arrádiu, la televisión i en destintus festivalis regionalis (WOMAD, Zorrock, Contem-pop-ranea) i en destintas ciais el país. La despidía la hizun pol mé duna carta que espubricarun ena su página web.

Biembrus

• Carmen Estevez: vos.
• Alfonso Villalobos: quitarra rítmica.
• Carlos Aragonés: quitarra solista.
• Juan Pablo Nacarino: baxu.
• Antonio Carretero: batería.

Discografía

• Guía para oler colores (2001).

Atijus

• Web el grupu.
• Página en Myspace.