Tenis

Esti artícalu es un encetu Si te apeta, pueis enlial-ti a trebajal en él, precurandu más información i amejorandu lo escritu.

El tenis es un deporti juegau con raquetas que se disputa entre dos jugaoris (endividualis) o entre dos parejas (dobris).

Partiu de tenis.

Estória

S'originó en Uropa a finalis el sigru XIX i creció enos paisis anglupalrantis en un prencípiu, especialmenti entre las sus crassis altas. Ogañu, el tenis s'á universalizau, i se juga en quasique tolos paisis el mundu. Dende 1926, cona criacion el primel tour, es un deporti professional. Amás es un deporti olímpicu dende Seul 1988, ya que via perdiu essa categoria en París 1924.

El juegu

Nel cercuitu professional los partius son generalmenti al mejol de 3 sets, enos qualis en dengún momentu se puei baju denguna cercustáncia tocal el campu contráriu, tapocu se puei tocal la redi. Los partius al mejol de 5 sets se llevan a cabu enos torneus de Grand Slam i en Copa Davis. Hata el 2006, las finalis de los torneus Masters Sériis tamien se desputavan a 5 sets. Las mugeris desputan los sus partius al mejol de 3 sets, qualisquiel que sea el torneu.

Ca set se juga al mejol de 6 juegus, con al menus 2 juegus de diferéncia. De llegal los dos jugaoris a 5 igualis en un set, devi de juegal-se al mejol de 7 juegus pa mantenel los dos juegus de diferéncia. Nel casu en que se llegui a 6 igualis, se juga un juegu largu llamau "Tie Break" (Muerti súbita), ondi sacan 2 vezis ca unu los jugaoris arreu (ecetuandu que se cámbia de jugaol que saca endespues del primel puntu del tie break) i gana el que llegui a 7 puntus, siempri que tenga 2 puntus de diferéncia comu mínimu. Si los dos jugaoris llegan a un 6 igualis nel últimu set, devi de siguil juegandu-se hata avel 2 juegus de diferéncia entre ellus.

Ca juegu se juega contandu los puntus nuna escala de 15-30-40-puntus. Si los dos jugaoris llegan a 40 igualis (igualis, o deuce en ingrés) án de siguil juegandu hata consiguil dos puntus de diferéncia. Al estal los jugaoris en igualis, la escala que s'aprica es Ventaja ("servíciu" o "huera")- Juegu.