Testigus de Jehová

Los Testigus de Jehová son un grupu cristianu. Fundáu oficialmenti nel añu 1875 por Charles Taze Russell, ena capital de Pittsburgh (Estaus Uníus). Se tienin pola restauración del cristianismu castizu. No tienin dengún líder espiritual, inqui el su bandu cuenta con un ordin xerarquicu. Ogañu es dirixiu por un Cuerpu Gobernanti dende la su sedi prencipal en Warwick (Nueva York).^[1] Este cuerpu gobernanti se encarga de avallal la doctrina oficial dela congregación mundial. La su guía es la Biblia por mé del su propiu canteu, entitulau Tradución del Nuevu Mundu de las Santas Escrituras.

Tomaron el nombri de "Testigus de Jehová" nel añu 1931, basáu nel testu d'Isaías 40:10-12, onde izi: "Vusotrus seis los mis Testigus, izi Jehová". En España están esculcaus comu "Testigus Cristianus de Jehová" conel númeru 131 del Ministeriu de Xusticia.

Según los sus propius datus, en 2019, las sus publicacionis se destribuyun en 240 paísis i territorius; contaban con 8.7 millonis de publicaoris ativus i la asistencia anual a la «Conmemoración dela cena de Jesús» jue de 20.919.041 personas.

Ena Estremaúra hai comunidais tanto nelas grandis capitais, comu nus pequeñus puebrus.

Presecución religosa

Uniforme de los Testigos de Jehová prisioneros Testigus de Jehová ena Alemaña

Los Testigus de Jehová juerun preseguius polos nazis alemanis, prencipalmenti pola su resistencia a reconocel la autoriá del estau, a gastal el salúu fascista, i pola su objeción de concencia al serviciu militar.^[2]. Se calcula que duranti la Segunda Guerra Mundial aprossimadamenti 11.300 Testigus de Jehová juerun angayolaus en campus de concentración, onde murieron, según la juenti consultá, entri 1490 i 2550, dentri ellus 253 que juerun sentenciaus a muerti.4041^[3]^[4] El Círculu Europeu de antiguus deportaus i internaus Testigus de Jehová apondera que el 97% de los Testigus de Jehová alemanis padecierun de una o dotra jorma la persecución del nazismu ^[5]. Enus campus de concentración desus añus los izian Bibelforscher (estudiatis dela Biblia) portaban un triángulu pórpura cosiu ena pechera dela ropa comu identificación^[6] .

Los Testigus de Jehová podían empendolar-si del campo de concentración i recuperal sus propiedais i la su ciudadanía si enfirmaban un cartapaciu i arrenunciaban dela su fé^[7].

El 5 de otubri de 2006, el Museu del Olocaustu de Washington D. C. ofreció un día dedicau alos Testigus de Jehová víctimas del nazismo^[8].

Huentis

Atijus

(ingrés) Testigos de Xehová (páxina oficial)
(español) Testigos de Xehová (páxina oficial)

[1] ttp://wol.jw.org/es/

[2] ttp://auschwitz.net/testigos-de-jehova

[3] ttps://web.archive.org/web/20090305063313/http://www.museenkoeln.de/ns-dok_neu/homepage/JZ-NS-Verfolgung-Koeln.pdf%7Ctítulo=Wayback Machine

[4] ttp://cultura.elpais.com/cultura/2010/04/28/actualidad/1272405609_850215.html

[5] ttp://www.memoriadeuntestimonio.org/holocausto.htm

[6] ttp://www.alst.org/pages-es/archivos/Triangulos-purpura.html

[7] ttp://www.holocaust-trc.org/persecution-and-resistance-of-jehovahs-witnesses/

[8] ttp://www.ushmm.org/museum/publicprograms/past.php?content=2006-10-05 |fecha=5 de octubre de 2006 |idioma=inglés |urlarchivo=https://web.archive.org/web/20120705081105/http://www.ushmm.org/museum/publicprograms/past.php

[1]

[2]

[3]

[4]

[5]

[6]

[7]

[8]