Timisoara

Timisoara

Imagin
Escú
Datus
Ária:	130,5 km²
Puebración:	319.279 (2007)
Densiá:	2.446,5 ab./km²
Web:	[1]
Datus Políticus
Alcaldi:	Dominic Fritz
Partíu nel poel:	USR PLUS
Mapa

Timișoara es una ciá rumana, capital dela provincia de Timiș, y considerá capital del Banato rumano.

La su puebración es de 331.927 habitantis (2016) nuna superficie de 130,5 km², con una densiá de puebración de 2.379 hab/km². Es la segunda ciá del país por número de habitantis, endispués de Bucarest.

Toponimia

El nombri rumano vieni del nombri hungaro original Temesvár ("la ciá de Timiş"). Notrus idiomas es:

• En alemán Temeschburg, Temeswar o Temeschwar.
• En bulgaro del Banato es Timišvár, inque en bulgaro stándard Тимишоара.
• En serbocroata: Темишвар o Temišvar.
• En Luengas turquicas Tamışvar-Tamişvar o Temeşvar).

Estória

Edad Media

La primera referencia de Timișoara nun documentu escritu d(como Dibiscos/Bisiskos/Tibiskos/Tibiskon/Timbisko/etc.) apaezi en 1019 d.C., nun textu del emperador bizantino Basilio II, inque no tolos estoriaoris concuerdan nesta identificación. Hue anexioná al Reino de Ungria entri 1010 i 1030, i en 1212 i 1266 apaezi mentá ya como Castrum Temesiensis.

Timişoara creció abondu duranti el reinau de Carlos I, quien, tras de la su visita allí en 1307, ordenó huertifical ortficar la hortaleça con murous de piedra i construyil un palacio real. La importancia de Timişoara tamién creció debiu ala su ubicación estratégica, que facilitó el control sobri la llanura de Banat. A mediaus del sigru XIV, Timişoara estaba ala vanguardia dela batalla dela cristiandá ocidental contra los turcus musulmanis otomanus. Los cruçaus úngarus i francesis se encontron ena ciá dantis de participal ena Batalla de Nicópolis en 1396. Endispués de 1443, el rey húngaro Juan Hunyadi mandó construyil una poderosa hortaleça para convertil.la nel prencipal bastión contra los otomanus, que la asedion repetiamenti en 1462, 1476, 1491 yi 1522.

Sigrus XVI-XIX

Ciudadela de Timișoara en 1602

En 1552, un ejércitu otomanu de 16 000 ombris dirigiu por Kara Ahmed Pasha conquistó la ciá i la transformó en capital del Eyalato de Temeşvar. El comandanti militar local, István Losonczy, i otrus cristianus juerun masacrauss el 27 de huliu, mentris escapaban dela ciá por mó dela Puerta de Azapilor.

Timişoara permaneció baxu la podencia otomana durante quase 160 añus, barajá diretamenti por el sultán i desfrutandu dun estatus especial, acomparanti a otras ciais dela rexión comu Buda i Belgráu. Duranti este períou, Timişoara hue el ogar duna grandi comuniá islámica i produxu figuras estóricas famosas comu Osman Aga de Temesvar, asta que el Prêncipe Eugenio de Saboya la conquistó en 1716. Endispués, la ciá queó baxu la podencia delos Absburgo, i acontinó asina asta prencipios del Prantilla:Siglo, a exceción dela ocupación otomana de 1788-1789. La ciá se desfortificó entri 1892 i 1910, i se costruyerun varias arterias prencipalis para conetar los suburbius conel centru dela ciá, allanandu el caminu pa una mayol expansión dela ciá.

Timișoara hue la primera ciá de Uropa que se iluminó con farolas iléctricas.

Hue la primera ciá de Uropa continental i la segunda del mundu endispués de Nueva York que se iluminó con farolas iléctricas en 1884. Tamién hue la segunda ciá uropea i la primera dela atual Rumanía en sustituyil los cavallus por tranvías (1869). La pasarela de Timişoara sobre el Bega conociu como la "Puenti de Metal", es obra de Róbert Tóth, el xefi del Departamentu dela Puenti, ena fábrica ferroviaria de Reşiţa i no es ciertu que venga dun proyetu de Gustave Eiffel.

Sigru XX

El 31 de otubri de 1918, las élitis militaris i pulíticas localis avallan el "Conseju Nacional de Banat", junto con representantis delos prencipales grupus énicus dela región: rumanus, alemanis, serbius i úngarus . El dia de Tossantus proclamum en Timișoara la brevi República del Banato. A rais dela Primera Guerra Mundial, la región de Banat se dividió dentri el Reinu de Rumanía i el Reinu de los Serbius, Croatas i Eslovenus, i Timişoara queó baxu la aministración rumana endispués dela ocupación serbia de 1918-1919. La ciá hue arronchá de Ungría a Rumania por el Tratau de Trianon el 4 de huniu de 1920. En 1920, el rey Fernando I dispensó a Timişoara el estatus de Centru Universitariu, i los añus de entreguerras vierun un continu pulu económico i cultural. Varias reluchis antifascistas i antirrevisionistas tamién tuvun lugal duranti esti tiempu.

Duranti la Segunda Guerra Mundial, Timişoara sufrió hechurias tantu por aliaus como por bombardeos del Exi, mayolmenti duranti la segunda mitá de 1944. El 23 de agostu de 1944, Rumanía, que asta antoncis era miembro del Exi, declaró la guerra a la Alemaña nazi i se unió a los Aliaus. Surprendia, la guarnición local Wehrmacht se acogotó sin baqueal, i las tropas alemanas i úngaras tentarun tomal la ciá pola huerça duranti to setiembri, sin déssitu.

Reluchi en Timișoara, 16 de diziembri de 1989

Endispués dela guerra, se apregonó la República Popular de Rumanía i Timișoara se sovietizó. La puebración dela ciá se triplicó entre 1948 i 1992. En diziembri de 1989, Timişoara hue testigu duna serie de regotracionis callejeras masivas enu que se convertiría ena revolución rumana. El 20 de diziembri, tres días aspués de que prencipió la derramaera de sagranza pallí, Timişoara fue declará la primera ciá libri de comunismu en Rumanía.

Geografía

Timișoara está assitiá a una zimbra de 95 metrus nel cantu suresti dela mesa de Banat, que hazi parti dela gran mesa de Panonia. El ricu chanu prietu i el tomu freáticu relativamenti baxu, hazin desta una región agrícola férti.

El ríu Bega en Timișoara

Por mó delos proyeutus emprendius de hidrografia nel sigru XVIII, la ciá ya no se encuentra nel río Timiş, sino nel canal Bega. Esta es una çona sísmica relativamente ativa i se an llegau a registral terremotus de nivel 6 ena escala de Richter.

Climi

El clima que define Timișoara es el continental moderado que caracteriça la parti suresti dela cuenca de Panonia. El climi continental templau tieni algotras caraterísticas submediterráneas amás del clima adriático.

Las caraterísticas climáticas generalis prendin en destintas condicionis climáticas irregularis. Las masas de airi que apergollan la primavera i el estiu son de origin oceánicu i cuentan con grandis precipitacionis. Con frecuencia, mesmamenti duranti el períodu de ivielnu, las masas de aire úmeu del Atlántico traen un climi lluviosu i con nievi, inque ralas vezis el climi es mu friu.

Dendi setiembri asta hebreru, abondu aportan masas continentalis de aire polar del esti que invain la çona. Inque de to essu, el climi de Banat tamién se ve infruiu pola presencia de ciclonis i las flamas que provienin del mari Adriáticu i el mari Mediterráneu. El su rasgu caraterísticu es el de desyelu completu de nievi duranti el iviernu i la flama duranti el periodu estival.

Los nevazos más copiosus nacin dendi los acabaerus de otubri i lo más tardal a prencipios de avril, peru la nievi en esus mesis es poco frecuenti, i las caías emportantis no suelin rezal asta noviembri. El tiempu apropinquau dela primera congelación es el 22 de otubri, en tanto que la última pelúa costumbra rondal el 15 de avril.

Educación

La ciá cuenta con quatro nuversiais púbricas i cincu privás:

Púbricas

El rectorau dela Nuversidá Politécnica de Timișoara

• Nuversidá Oesti de Timișoara
• Nuversidá Politécnica de Timișoara
• Nuversidá de Medicina i Farmacia Victor Babeș de Timișoara
• Nuversidá de Ciencias Agrícolas i Veterinaria de Banat en Timișoara

Privás

• Nuversidá Dimitrie Cantemir
• Nuversidá Tibiscus
• Nuversidá Mihai Eminescu
• Nuversidá Ioan Slavici

Ciais germanás

Timișoara está germaná colas siguientis ciais:

• Cancún (Méxicu)
• Faenza (Itália)
• Gera (Alemaña)
• Karlsruhe (Alemaña)
• Mulhouse (Francia)
• Novi Sad (Sérbia)
• Palermo (Itália)
• Rueil-Malmaison (Francia)
• Shenzhen (China)
• Szeged (Ungria)
• Treviso (Itália)
• Truxillu (Perú)
• Zrenjanin (Sérbia)

Predecesol: Prantilla:CROb Rijeka Prantilla:IRLb Galway

Capital Uropea dela cultura juntu con Prantilla:GRCb Eleusis Prantilla:SRBb Novi Sad {{{períodu}}}

Sucesol: Pendienti

Atihus d'ahuera

• En Commons ai conteníu multimedia sobre Timisoara.
• Página web oficial de Timişoara.
• Oficina de Turismo de Timişoara.