Transistol
| Avissu Esti endilgui ebi sel revissau por un corretol. |
El transistol es un dispositivu semicondutol d'estau sóliu que se gasta pa l'amplificacion i la conmutacion, i tien tres telminalis: una corrienti o vortagi apricá a unu los bichus controla la corrienti los otrus dos. El transistol es el componenti prencipal de tola eletrónica muelna. Enos circuitus dehitalis, el transistol se gasta comu un enterrutol elétricu mu ligeru, i la olganizacion sistemática los transistoris premiti qu'enhuncionin comu una puerta logica, memórias tipu RAM i microprohessaoris. Enos cercuitus analógicus los transistoris se gastan cumu amplificaoris. Los amplificaoris d'audiu, las huentis d'alimentacion estabiliçás i los amplificaoris de frecuéncia son cercuitus analogicus que llevan transistoris. Áin dos tipus basicus de transistoris, los bipolaris (BJT) i los d'efeutu campu (FET), i ca unu hunciona de holma deferenti.
Huncionamientu
Edital
El transistol bipolal se huchea assina porque el canal de conducion prencipal gasta tantu electronis cumu vacius pa transpoltal la corrienti eletrica prencipal. Un transistol de union bipolal está hormau por dos Uniones PN nun solu cristal semicondutol, separaus por una region mu estrecha. De esta maera quean holmadas tres regionis:
- Emisol, que se deferencia de las otras dos por estal huertimenti dopada, comportándo-se comu un metal.
- Basi, la entermeya, mu estrecha, que separa el emisol del coletol.
- Coletol, d'estension muchu mayol.
Zona de rutura : El hechu de sel nula la correnti de basi, es equivalenti a mantenel el circuitu basi emisol abieltu, nestas circustancias la correnti de coletol es praticamenti nula i por essu se puei consideral el transistol nel su circuitu cumu un enterrutol abieltu. Un transistol esta en corti quandu:
Zona de saturacion : El díodu colectol está polariçau directamenti i el transistol se porta cumu una pequeña resistencia.
- Region aitiva:
- Quandu un transistol no está ni en su region de saturación ni ena region de rutura altoncis está en una region entermeya, la region aitiva. Nesta region la corrienti de coletol (Ic) ependi prencipalmenti de la corrienti de basi (Ib), de β (ganancia de corrienti, es un datu del fabricanti) i de las resistencias que s'alcuentrin conetás nel coletol i emisol. Esta region es la más emportanti si lu que se anhea es gastal el transistol cumu un amplificadol de señal.