Triscaidecafobia

La triscaidecafobia (del griegu τρεῖς καὶ δέκα "trezi") es el mieu inracional al númiru 13.

Orihin

Esta fobia tien develsus oríhin tós ellus atihaus a creyéncias popularis i mitus andi esti númiru estaba relacionau cona muerti u el mal. El 13 es rehusau ya dende el Coigu Hammurabi, nel sigru XVII e. C. Cona relihión cristiana el 13 hue consierau númiru abominabri, quiziá pol sel 13 los comensalis ena Úrtima cena, sel Satán el anhi númiru 13, pol sel 13 los mesis el calandáriu lunissolal angunus añus, frenti al regulal 12 los calandárius grigorianus i musulmán.

Curiosiais

Son muchas las curiosiais curturalis i anegóticas acontecias al tentu el númiru 13:

• Pa los ehícius, el númiru 13l fasi el ciclu vital era la muerti.
• Ena baraha el taró, la carta la Muerti es el númiru 13.
• Muchus eifícius suprimin el pisu 13 diendu del 12 al 14 u pusiendu pol meyu un 12b, algu que llama l’atención enas carrafileras botonis los arcensoris. Estu mesmu acontecin con ciais andi las avinias se mientan numericamenti i enas telminalis los avionis u las carrefilas(cumu aconteci en Iberia).
• Las sériis automobis la marca Renault tien del 3 al 21 sartándusi la sérii 13.
• Angunus discus carecin de la pista 13, cumu Alivio de luto el cantautol Joaquín Sabina, que la supuesta pista trezi es "+unu" u el discu John Mayer Room for squares, ondi la pista 13a es de 0,2 segundus sin cuental ena carátula.