Valdelacarçá en frol
Valdelacarçá en frol (oficialementi i en castellanu Valdelacalzada en flor) es una fiesta populal el monicípiu estremeñu de Valdelacarçá (província de Baajós) al tentu la afroración los arbus frutalis caraiterísticus la zona. Esta escomiença a finis Hebreru i se prolonga duranti las dos primeras semanas el mes de Marçu.
Arbus i froris Edital
Valdelacarçá cuenta con un haci etárias sembrás con arbus frutalis, prencipalmenti cirgüelus, malocotonerus, natarinus, anque tamién dessistin angunas senaras con bruñus, mançanus, bembrillerus i peralis. Desti jeitu s'ajuntan tres tipus coloris: brancus, rosas i rosáciu.
Las froris brancas correspondin a los cirgüelus i los peralis i bruñus. Las de los cirgüelus, salin mas arrepelotonás i son caraiterísticus destus arbus los pólin que se quean sin poal que facilitan las polinización el restu los arbus. Las froris los peralis, a la escontra, cuentan con unus pétalus mas grandis i destendius.
La froris los malocotonerus salin mas desviás entri ellas i ellas, u solinas u en dos en dos. El su colol es rosa. Los natarinus ofrecin una frol de colol rosa guarretosu. Sigún la varieá puein muestral froris rosácias, con pétalus mas despegaus u bien campanulácias, que no llegan a abrilsi del tó.
Los bruñus i los peralis son los mas tardius en afrorecel i ciertas varieais malocotonerus i natarinus.
Possibiliais turísticas Edital
Ogañu s’ofrecin en fechas la afroración vesitas guiás i rutas polas destintas parcelas el télminu municipal. Amás, los rezientis miraoris costruius nel vieju campu tiru i junta la ilésia el Pajarito premitin otenel una visual dende lo artu, puyéndusi almiral un mari de coloris brancus i rosas arroeandu el puebru. Hueraparti s’olganizan ativiais comu conculsus pintura, fotografia i tamién bailis, juegus, ec. ena localiá u ena nueva acampá.