William Shakespeare
 Esti artícalu no tien huentis ni referencias |
William Shakespeare (Abril, 1564 — 23 d'abril, 1616) hue un escrebiol ingrés. Es considerau por muchus el mejol escrebiol ingrés de tolos tiempus i unu delos más grandis en general. Escrebió destacás tragedias i comedias. La su poesía i obras de teatru tratan al tentu dela condición umana, con sentimientus talis comu el querel, los celus, la rabia, la valentía, etc. Los zagalis deprendin con él enas escuelas arreol tol mundu. Shakespeare escrebió los sus ltrebajus entri arreol 1585 i 1613.
| William Shakespeare | ||
|---|---|---|
 | ||
| Enhormación pressonal | ||
| Moti | The Bard of Avon | |
| Nacencia |
Abril de 1564 Stratford-upon-Avon (Reino de Inglaterra) | |
| Muerti |
23 de abril de 1616jul. Stratford-upon-Avon (Reino de Inglaterra) | |
| Causa de muerti | valor desconocido | |
| Sepoltura | Iglesia de la Santísima Trinidad de Stratford-upon-Avon | |
| Lengua materna | Inglés moderno temprano | |
| Familia | ||
| Pairis |
John Shakespeare Mary Arden | |
| Cónyugi | Anne Hathaway (desde 1582juliano, hasta 1616juliano) | |
| Ijus | 3 | |
| Educación | ||
| Educau en | King Edward VI School, Stratford-upon-Avon | |
| Enhormación profissional | ||
| Oficiu | Dramaturgo, poeta, atol de teatru, escrevienti, atol y dramaturgo | |
| Ária | Bellas letras, Teatru, English drama, drama, Poesia y actuación | |
| Género | Obra de teatro y Poesia | |
| Afiliacionis | Lord Chamberlain's Men y King's Men | |
| Firma |
 | |
| Escudo | ||
 | ||
Biografía
EditalShakespeare tuvu nacencia en Stratford-upon-Avon, Ingalaterra, en abril de 1564, el iju e John Shakespeare i Mary Arden. El pairi de Shakespeare era ricu cuandu el su iju tuvu nacencia, peru endispués perdió la su emportáncia sin que se sepa la razón. Duranti esti tiempu hue churruchel (vendeol de lanas), que estaba huera dela lei.
Shakespeare embó con Anne Hathaway, quien era ochu añus mayol que él, el 28 e nobiembri e 1582. Anne estaba en estau e tres mesis. Tuvun tres zagalis: Susanna, Hamnet i Judith. Endispués del su matrimoñu, el nombri e Shakespeare nu apaició enos documentus estóricus hata qu'encetó a escrebil, en Londris.
En 1596 Hamnet espenó. Pol mé lo apaiciu del su nombri, p'angunus que la su muerti hue la idea el labutu e teatru e Shakespeare La Tráhica Estória e Hamlet, Préncipi e Dinamalca.
Arreol 1598 Shakespeare vivió en St. Helen, Bishopsgate, i estaba ena cimera e las lista d'atoris nel labutu "Every man in his Humour", pol Ben Jonson.
Shakespeare se gorvió escrebiol i alogu tuvu la su própia balburda, hucheá "Los ombris de Lord Chamberlain". La balburda agarró esti nombri, cumu algotrus del su tiempu, del ombri que los ayuaba con dineru: Lord Chamberlain. La balburda se gorvió tan populal que, endispués la muerti e la réina Elizabeth I, deque Haimi I hue rei (1603), chambun el nombri e la balburda a "Los ombris del Rei".
En Londris, Shakespeare tuvu abondu ésitu. Mercó una nueva casina en Blackfriars, Londris, i tamién hue el dueñu e la segundera casa más grandi e Stratford: New Place.
Shakespeare ehó de labutal arreol 1611 i espenó en 1616. Estuvu emboau con Anne hata la su muerti. El su nichu idi: "Benidiu seya el ombri que ponga estas piedras, i malidiu seya el que mueva el mi calavernu (los güesus)." Estu senifica qu'el ombri que cuaharingó el nichu era güenu, i si angunu moviesi el su cuelpu, tendríe mala suerti. P'angunus que algotrus labutus de Shakespeare podríen estal endrentu el su nichu, peru naidi l'á comprebau enhamás, quidiá pol estal acagazau e las parabrinas c'ain nel nichu.
Obra
EditalVelaquí una lista e angunus labutus de teatru e Shakespeare:
- Traheyas de Shakespeare
- Romeu i Hulieta
- Macbeth
- Rei Lear
- La Tráhica estória e Hamlet, Préncipi e Dinamalca
- Otelu
- Titu Andrónicu
- Huliu Césal
- Antoñu i Cliupatra
- Coriolanu
- Troilu i Crésia
- Timón de Atenas
- Comeyas de Shakespeare
- La comeya e los marrus
- A güen acaberu, güen prencípiu
- Cumu vos peti
- Sueñu duna nochi e veranu
- Abondu ruiu i poquinas nuedis
- Miía pol miía
- La tempestá
- El mercael de Venécia
- Las alegris comairis de Windsor
- Labutus perdius de querel
- Los dos caballerus de Verona
- Periclis préncipi e Tiru
- Cimbelina
- Cuentu d'ibielnu
- Estórias de Shakespeare
- Ricardu III
- Ricardu II
- Enriqui VI, parti 1ª
- Enriqui VI, parti 2ª
- Enriqui VI, parti 3ª
- Enriqui V
- Enriqui IV, parti 1ª
- Enriqui IV, parti 2ª
- Enriqui VIII
- El Rei Horhi
Atijus p'ahuera
Edital
En Commons ai conteníu multimedia sobre William Shakespeare.
Datos: Q692- Multimedia: William Shakespeare / Q692
Citas célebres: William Shakespeare
Textos: Autor:William Shakespeare
