Argel
Argel (en árabi, الجزائر Al-Ŷazā'ir, las islas; en francés, Alger, en tamazight , Ledzayer) es la capital i la mayol ciá d'Argélia, i la segunda ciá mas puebrá del Magreb al atrás de Casablanca. S'estima qu'en 2010 la puebracion de la ciá es de 2.239.613 pressonas,[1] i que tol área metropolitana está abitá por 4.375.000 pressonas.[2] Argel está assitiá nel litoral mediterráneu i es el prencipal puertu del noroesti d'África en este mari. Conocia como Argel la blanca pol blancu brillanti de los sus eificius guipaus dende el mari, nel su dia hue considerá como una de las ciais árabis mas románticas. Ogañu es una ciá moderna, cuyus eificius i avenias d'estilu colonial francés escomençarun a sel construius nel sigru XIX; la alcaçaba hue declará Patrimoñu la Umaniá pola Unesco nel añu 1992.
