Barrau
Barrau o El Barrau [2] (Nel Catastro de Ensenada de 1753 apaeci escritu "Varrado" con "v"),[3] i tamién assina nel Censo de Floridablanca[4] diccionario de Antonio Vegas de 1795,[5] diccionario de Miñano de 1826,[6] censo de la matrícula catastral de 1842[7] de 1787,es un monicipiu i una villa [8] dela provincia de Caçris, assitiau nel Valli del Xerti, enas estribacionis dela Sierra de Gredus, concretamenti ena Sierra de San Bernabé. Luenga 24 qm de Prasencia, 108 qm de Caçris, 171 qm de Méria i 251 qm de Mairil. Dentru dela provincia, forma parti administrativamenti del partiu judicial de Prasencia[9] i dela mancomunidad integral del valli del Xerti.[10]
| Barrau | ||
|---|---|---|
| Entidad subnacional | ||
 | ||
.svg) Escudo | ||
| Coordenadas | 40°05′03″N 5°52′53″O / 40.084166666667, -5.8813888888889 | |
| Capital | Barrado | |
| Entidad | Monicipiu d'España y Villa | |
| • País |
 España | |
| Superficii | ||
| • Total | 21,29 km² | |
| Altol | ||
| • Media | 804 m s. n. m. | |
| Puebración (2023) | ||
| • Total | 373 hab. | |
| • Densidá | 17,52 hab/km² | |
| Gentilíciu | Barraeñu, Pustrón | |
| Huso horario | UTC+01:00 | |
| Código postal | 10696[1] | |
| Sitio web oficial | ||
Assitiamientu
EditalBarrau s'alcuentra assitiau enas estribacionis la Sierra e Greus, concretamenti ena Sierra e San Bernabé, que preteneci a la Sierra e Tormantus, ena parti e la montaña conocia cumu lombu La Vetún.[11]
El términu monicipal es chiqueninu, alreol los 20 qm² i con emportantis desnivelis i huertis pendientis, que varian dendi los 657m d'artitú enas prosimidais de Gargüera, hata los 1115m el lombu la Porrilla i los 1113m de Huentimoral, las sus cimerias.
La redi idrugráfica la conhorman varias gargantas cumu la Garganta el Obispu, i regachus cumu los Cañus i Gargolesnas, tós ellus pretenecientis a la cuenca e riu Tiétal.
Los suelus están hundamentalmenti sobri granitus el Paleoçoicu, de composición mineralóhica mu unihormi, peru e testura variá. Son, en heneral, de granudiuritas i cuarçumonçonitas leucócratas, frecuentementi porfiroidis de tonus azulis cuandu son frescas i con albondus gabarrus.
Los bagus están costituius pol una tupa cuarçu, micruclina pertítica, oliguclasa-andesina, biutita i moscuvita. Entri los mineralis acesórius, los mas frecuentis son el apatitu i el circón.
Climatología
EditalBarrau tini vranus frescus i ibielnus nu ecesivamenti durus. La precipitación es abundanti i oscila entri los 800 i 1500 mm, mentris que la temperatura meya las ménimas varia entri los 1-3ºC en ibielnu i los 15-20ºC en vranu.
Vegetación
Edital
Las especis mas abundantis son el robri melohu (Quercus pyrenaica) que horma densus bosquis i el castañu (Castanea sativa), que da lugal a espesas hormacionis, gastaus prencipalmenti pa usu maereru. Puein alcuentralsi tamién abondus fresnus, chopus, azebus, arraclanis, saucis, madroñus, enebrus, pinus, almecis, higueras, mahuelus, pergüétanerus, mançanus, saúcus, zerezus silvestris, i alisus, estus úrtimus hormandu bosquis de ribera.
En cuantu al matorral está hormau ena su mayol parti pol escobas, çarças, jaras, cantuesus, torviscus, ruscus, esparragueras, espinus albaris, henistas frorias, durillus, madreselvas, bereçus, tomillus, labiérnagus, mirtus, peonias, rosas silvestris, ec.
Demografía
Edital| Puebración de Barrau (1877 – 2005) | ||||||||||||||||
|---|---|---|---|---|---|---|---|---|---|---|---|---|---|---|---|---|
| 1877 | 1887 | 1897 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2005 | ||
| 619 | 520 | 587 | 613 | 629 | 708 | 748 | 873 | 915 | 937 | 828 | 660 | 583 | 524 | 507 | ||
Conomía
EditalSe basa hundamentalmenti ena agricurtura, siendu los prencipalis curtivus las zerezas, azetunas, castañas i higus (albundandu en mayol cantiá el curtivu las primeras, sobri tó endi los añus 60, cuandu se cria la "Cooperativa del Campo de Nuestra Señora del Viso", la cual sirvió pa dal un emportanti esarrollu económicu i evital la migración de presonas huera el puebru).
Tamién tinin una gran emportáncia el setol servícius i la costrución. La ativiá ganaera se centra enos setoris vacunu i caprinu. El númeru e cabeças de ganau vacunu (destinás a la endútria cárnica i en réhimin estensivu) á manteniu tantu el su númeru cumu la su proución a lo largu el tiempu, nu pasa lo mesmu con el ganau caprinu, qu'á vistu cael la su emportáncia económica i social dendi meyaus el sigru XX.
Estoria
EditalEl lugal estuvu puebrau dendi mu antiguu, ya que nel términu monicipal ai una tupa de restus romanus, comu tumbas i aras votivas. S'á alcuentrau tamién aquí una tabrina d'essa época, ena que se mos palra de caminus entovia essestentis i qu'unían la puebración de Texea del Tieta con el valli del Xerti.
Naci comu núcleu pastoril. Cabrerus de Piornal[12] s'assitían definitivamenti p'aprovechal los pastus que proucin estus vallis chiqueninus. En decumentus la ciá de Prasencia, Barrau apaici anombrau nel añu 1464 comu un barriu i los sus abitantis comu vizinus de Piornal, peru nel añu 1498 ya se palra d'él comu entidá endependienti, cuentandu n'essi momentu con 55 vizinus pecherus, cono que se puei cifral aprossimadamenti la puebración n'unas 250 pressonas n'essi momentu.[13]
Logra el títulu de Villa de Señoriu i el 12 de Hebreru de 1753 apaici vinculá a Don Antonio Díaz de Vargas Coronel Tamayo y Rosa, vecinu de Badajós. Siendu la única puebración serrana del valli del Xerti con essa destinción.[14][15]
Dendi la restauración de la democracia, i endispués las primeras elecionis monicipalis libris, el "Partido Socialista" ganó tolas elecionis celebrás, hata las elecionis monicipalis de 2007, enas que se dió un empati ténicu entri los dos partíus que se presentarun alas elecionis, lograndu dambus los dos el mesmu númiru de votus, siendu esti un hechu mu ralu. Tras un sorteu (cumu izi la lei pa estus chascus) celebrau en Prasencia i tras marral al entepretal la lei, se dió l'alcaldía al "Partido Popular", siendu la primel vezi qu'ai un alcaldi no socialista nel monicipiu.
Monumentus i lugaris d'enterés
Edital
El prencipal monumentu dela puebración es la eglésia parroquial de San Sebastián. Se trata dun eificiu d'estilu románicu, con dos puertas. La e la Epístola es la mas ornamental, con arcu e meyu puntu mordurau i pometeau, tal i cumu es abitual enos templus serranus costruius duranti el sigru XVI. Cabi destacal la cúpula e meya naranha, el sigru XVIII, asín cumu el retablu mayol, d'estilu barrocu i con una profusa decoración, tal i cumu correspondi al su estilu. Es de fatura local, puestu qu'es obra e los entallaoris barraeñus: los ermanus de la Inzera Velasco, a quienis s'ebin otrus numerosus retablus enas comarcas el valli el Herti i e La Vera. La elésia tini un campanáriu e pranta cuairá, notabri artitú i con un capitel piramial ena su cimera.
Posei tamién algotru pequeñu templu católicu d'enterés: l'ermita e Santa Maria, siendu ésta el lugal ondi s'alcuentra la imahin patronal la localiá, la Vilhin el Visu. Es una eificación dieciuchesca, cuya arquitetura tini un acesu en arcu i navi deviia pol tres arcus con estribus esterioris, bóvea e cañón i cúpula semiesférica ena capilla mayol. S'embelleci el testeru pol un retablu barrocu, fechau nel sigru XVIII. Siendu, pol tantu, d'ornamentación barroca, d'áticu curvu i cuerpu deseparau pol dos colunas qu'escoltan la ornacina ondi s'adora la imahin de "Nuestra Señora del Viso", siendu ésta una talla meritória la Vilhin con el Niñu, dondi la traición local hazi lleval a las noyas los sus ramus.
Referencias
Edital- ↑ Worldpostalcodes.org, código postal n.º 10696.
- ↑ Censo de Pecheros Tomo II, digitalizado por el INE
- ↑ Catastro de Ensenada de 1753
- ↑ Censo de Floridablanca de 1787, tomo I, p. 179
- ↑ Vegas, 1795, pp. 265-266.
- ↑ Diccionario geográfico-estadístico de España y Portugal ... (1826-1828) - Miñano y Bedoya, Sebastián, 1779-1845 Tomo II, p. 2
- ↑ Alteraciones de los municipios en los Censos de Población desde 1842 Instituto Nacional de Estadística de España
- ↑ Cita web|apellidos=Ruiz |nombre=Francisco |url=http://alarcos.esi.uclm.es/per/fruiz/pobesp/vieja/dat/nomen.htm |título=Población de España - datos y mapas: Datos de Nomenclátor
- ↑ España: «LEY 38/1988 de 28 de diciembre, de demarcación y de planta judicial.». Boletín Oficial del Estado núm. 313 de 30 de diciembre de 1988: 36619. ISSN 0212-033X.
- ↑ Cita web |url=http://ssweb.seap.minhap.es/REL/ |título=Datos del registro de entidades locales |editor=Ministerio de Hacienda y Administraciones Públicas de España|fechaacceso=29 de agosto de 2013
- ↑ Visor SIGPAC Ministerio de Agricultura, Pesca y Alimentación
- ↑ cita web|url=http://www.piornal.net/historia/orig.htm%7Ctítulo=Apuntes de la historia de Piornal|autor=Díaz Calle, Víctor A.|idioma=español|fechaacceso=24 de mayo de 2014
- ↑ cita web|url=http://www.piornal.net/anejo/alusiones.htm%7Ctítulo=Alusiones a Piornal en “Documentos de la ciudad de Plasencia”|autor=Prieto Guillén, Ángel|idioma=español|fechaacceso=24 de mayo de 2014
- ↑ Barrado adquiere el título de Villa de Señorío Prantilla:Wayback
- ↑ Cervantes Virtual [1]
Atijus p'ahuera
Edital
En Commons ai conteníu multimedia sobre Barrau.
- Páginas oficialis
Página web oficial el Ayuntamientu de Barrau
Datus estaísticus la Hunta d'Estremaura
- Servicius Púbricus
- Asociacionis
- Alohamientus
- Turismu
Descrición de Barrau con afotus
Oficina e turismu el Valli el Herti
- El tiempu
- Mapas
Asiahamientu e Barrau nun mapa
- Algotrus
Agrupación de Cooperativas el Valli el Herti