Día del Árbol
El Día del Árbol o Fiesta del Árbol es comu un tenel en mientis lo importanti que es el protegel los nuestrus árbolis, los nuestrus bosquis. Los árboles mos dan abondus frutus bien güenus, amás que mos quean puru el airi y evitan los riegus de riás y erosionis del suelu.
Ca país lo celebra plantandu árbolis, en la temporá que es más propicia pa que arraiguin, según las sus condicionis naturalis.
Estoria
EditalLa primera vez que se celebró la fiesta del árbol en el mundu jue, ni má ni menus, en el añu 1805, en la chiquina aldea estremeña de Villanueva de la Sierra (Caçris). llevá a cabu por el párrocu del lugal con el apoyu de tou los vedinus.[1]
Endispués el 30 de abril de 1899 se celebró en el Parqui de Barcelona la su primera Fiesta del Árbol .
Ya en el 5 de eneru de 1915 se instauró en tou el territoriu Español la Fiesta del Árbol, medianti Real Orden del Ministeriu de la Gobernación,,[2] y una Real Orden del Ministeriu de Fomentu, obligandu a ca ayuntamientu a fijal el día de celebración medianti sesión ordinaria del plenu municipal.[3]
El Día Internacional de los Bosquis, el Día Mundial del Árbol y tamién mentáu comu el Día Forestal Mundial jue una recomendación del Congresu Forestal Mundial que se celebró en Roma en 1969. Esta recomendación jue aceptá por la ONU en 1971. El día elegíu jue el 21 marçu que coincidi con la entrá de la primavera en el Hemisferiu Boreal y con la del otoñu en el Austral.
Día en que se celebra según que país
Edital
Ca país celebra el día del árbol según sus condicionis naturalis, cuando terminan los fríos o en el Caribi a los emprincipius del veranu, en la temporá de lluvias, amus, siempri buscandu un güen temperu pa que arraiguin los plantonis.
- En Argentina, el 29 agostu.
- En Bolivia, el 1 outubri
- En Chili, el 6 de juliu.
- En Cuba, el 21 juñu.
- En Honduras, el 30 mayu.
- En China, el 12 marçu
- En Colombia, el 29 abril
- En Costa Rica, el 15 juñu.
- En Equadol, el 22 mayu.
- En El Salvaol, el 28 juñu.
- En España, se sueli celebral al mesmu tiempu que el Día Internacional de los Bosquis, el 21 marçu, anque fiel al espíritu del decretu de 1915 ca ayuntamientu u colectivu puei organizal su propiu Día del Árbol, endi hebreru jasta los emprincipius de mayu, andenantis que lleguin las calorinas. En Villanueva de la Sierra (Cácirs), el lugal ondi se celebró la primera Fiesta del Árbol en el mundu, comu queó dichu, se sigui celebrandu, como entoncis el martis de Carnaval y es un día grandi en el calendariu de festejus villanovensi.[1] Comu ejemplu de compromisu con la naturaleza, el pueblu chiquinu de Pescueza, de tan solu 180 vedinus, organiza toas las primaveras una gran plantación d'encinas endentru de los festejus mentáus comu el Festivalinu.
- En Guatemala, el 22 de mayu.
- En Méjicu, el segundu juevis de juliu.
- En Nicaragua, el úrtimu viernis del mes de juniu,
- En Paraguay, el 19 de juniu
- En Perú, el 1 setiembri.
- En la Repúbrica Dominicana, el 5 mayu.[4]
- En Uruguay, el 19 de junio
- En Venezuela, el úrtimu domingu de mayu.
Referencias
Edital- ↑ 1,0 1,1 Herrero Uceda, Miguel. El Día del Árbol. Quercus. Marzo 2011
- ↑ <Boada, Martí. Boscos de Catalunya (2003).
- ↑ Alcusón Sarasa, Antonio: La Fiesta del Árbol como elemento de nacionalización durante la Dictadura de Primo de Rivera (1923-1930): el caso aragonés.
- ↑ http://www.ambiente.gob.do/IA/FechasAmbientales/Paginas/Dia-del-Arbol.aspx