Daniel Gordo
Daniel Gordo Rodriguez (Frankfurt am Main, Alemaña, 21 de juñu del 1976) es el presienti de l'OSCEC dendi'l 2018 i un grandi defendeol de l'estremeñu, purtugués raianu i a fala que sonin las luengas romancis palrás n'Estremaúra.
| Daniel Gordo Rodríguez | ||
|---|---|---|
 Daniel Gordo Rodríguez en 2023 | ||
| Enhormación pressonal | ||
| Nacencia |
21 de junio de 1976 (48 años) Fráncfort del Meno (Alemaña, Alemania Occidental) | |
| Lengua materna | Estremeñu | |
| Educación | ||
| Educau en | Universidad Nacional de Educación a Distancia (Historia y Geografía) | |
| Enhormación profissional | ||
| Cargus acupaus | Presidente de OSCEC (desde 2018) | |
Biografía
EditalTuvu la su nacencia en Frankfurt am Main (Alemaña), el ventiunu de juñu del 1976, pos los sus pairis eran emigrantis i vivían i trebajavan pallí. Endispués golvió pa España, vivió en Mairil i Valencia'l Cid, aondi hizu la su hormación académica.[1]
Enos branus diva de quinzena pa Galicia conos su agüelus gallegus, qu'eran los pairis dela su mairi i palravan gallegu i aluspués pala Estremaúra conos sus agüelus estremeñus del puebru de Montanchi, qu'eran los pairis del su pairi i que palravan mal, porque assina se izía antoncis alos que palravan estremeñu i sigún le izían los sus pairis, por essu mesmu no diva a entendel a nengunu delos sus agüelus. D'aí el su preiteal polas luengas romancis comu'l gallegu, l'estremeñu, a fala o el purtugués raianu.[2][3]
Tié los sus estuyus d'Inginiería, qu'entavía no á acabijau i un grau d'Estoria i Geografía, pola Uned. S'espressa en cincu idiomas i la su esperencia profissional está nel ámbitu del comerciu entrenacional. Nel 2018 se arrejuntó comu ativista social i coltural, cona entención de que Estremaúra dexi de sel una tierrina rica de genti probi. Ara mesmu vivi ena Estremaúra dendi'l 2011 i dendi antoncis s'á apricau ala envestigación i esparigil coltural.[4] [5]
Mesmu assina, ara es el presienti de l'OSCEC dendi'l 2018 i dendi entocis s'acorríu Estremaúra i tamién una hermentina de Casas d'Estremaúra qu'ai enas provincias españolas, dandu chalras a tentu l'estremeñu i la su coltura. Enos primel añus delas chalras enos puebrus estremeñus, hue cona calavoración de ca ayuntamientu i l'OSCEC, peru aluspués á síu cona calavoración amás de conos ayuntamientus, conos organismus oficiais estremeñus, comu las Deputacionis estremeñas.[6]
Nel añu 2023 i mas essatu el ventisseis d'otubri, tamién hizu la primel chalra ena nuversidá d'Estremaúra ena Facultá d'Educación i Sicología de Badajós, con una mu grandi acetación polos estuyantis dela Uex.[7]
Guipal tamién
EditalReferencias
Edital- ↑ Región, Digital.com (12 de setiembri del 2024). «Daniel Gordu analiza'l patrimoñu lenguisticu estremeñu». RegiónDigital.com. Consultado el 31 de deziembri del 2024.
- ↑ Morrón, Lucía Montero (1 de octubre de 2023). «Daniel Gordu: «No palramus mal castillanu, es estremeñu»». El Periódico Extremadura. Consultado el 31 de deziembri del 2023.
- ↑ SL, TAI GABE DIGITALA (26 de setiembri del 2023). «Embaxu d'añus de vergoña i de correcionis, ai una luenga, qu'es l'estremeñu». naiz:. Consultado el 31 de deziembri del 2024.
- ↑ «Daniel Gordo: "Como estrategia, la izquierda extremeña debe introducir en el discurso la perspectiva extremeñista"». www.elsaltodiario.com (en local). Consultado el 31 de deziembri del 2023.
- ↑ Avuelapluma (18 de mayo de 2015). «Daniel Gordo, Candidato de eXtremeños: “El legado del PP es una Extremadura y un Cáceres a la deriva; sin proyecto”». Avuelapluma. Consultado el 31 de deziembri del 2023.
- ↑ "Las lenguas de Extremadura" por Daniel Francisco Gordo Rodríguez y Juan Reina Raposo. 18/10/23 (en inglés), consultado el 31 de deziembri del 2023.
- ↑ Núñez, Celia Gálvez (7 de octubre de 2023). «Arturo Pérez-Reverte critica una actividad de lenguas extremeñas de la UEx y desata la polémica». www.epe.es. Consultado el 31 de deziembri del 2023.
Atijus p'ahuera
Edital
En Commons ai conteníu multimedia sobre Daniel Gordo.- Web Oscec Página web.
- Dizionariu en Liña
- Vidiu de conferencia en Badajós
Datos: Q25689127
