Públiu Papíniu Estáciu (en latín Publius Papinius Statius) hue un pueta latinu el neocrassicismu.

Estacio
Enhormación pressonal
Nombre en latín Statius Ver y modificar los datos en Wikidata
Nacencia 45 Ver y modificar los datos en Wikidata
Nápoles (Itália) Ver y modificar los datos en Wikidata
Muerti 96 Ver y modificar los datos en Wikidata
Nápoles (Itália) Ver y modificar los datos en Wikidata
Familia
Padre Publius Papinius Statius Ver y modificar los datos en Wikidata
Enhormación profissional
Oficiu Poeta y escrevienti Ver y modificar los datos en Wikidata
Género Épica Ver y modificar los datos en Wikidata

Via Edital

Estáciu tuvu nacéncia en Nápoli pal añu 40 u 45, nuna família d’orihin griegu i de la Campaña. Hue un pueta brillanti, mas sonau cumu líricu que cumu épicu, cantandu a la su tierra natal i participandu en destintus certámin puéticus cumu los agustalis, albinus i capitolinus. Se convoó con una professional la música, una tal Cláudia, que está atihá a la via farrandanguera Roma. Escrebió embahu la dinastia los Flávius. Murió nel 96.

Obra Edital

Es conociu ena literatura romana pol bel escritu puemas emprovisaus de lihera composición entitulaus Siluae. Tamién escrebió épica, anque con menol fortuna: Thebais i Achilleis. Se conselvan amás quatru velsinus sobri la guerra helmánica entitulau De bello Germanico.

Las Siluae Edital

Son puemas de grandol variau compuestus en pocu tiempu i que tocan tó tipu temas, sostribaus ena via cotidiana: hechus conmemorativus cumu la inaguración duna estauta, el abrieru una nueva carretera, lamentacionis, descricionis pulias sobri aicionis diarias u cosas que via i mas cosas paí. Holman un corpus de 32 puemas deviius en cincu librus. Los velsus son quasi tós essámetrus i puemas relativamentis largus, de cientus de velsus escritus, angunus, en apeninas dos dias, lo qual demuestra la gran albeliá que tinia nel componieru.

Las obras épicas Edital

Ain dos: Thebais i Achilleis. La Tebaida es una obra el ciclu tebanu en 12 librus, a la manera verhiliana. El ergumentu es al tentu el runchaeru mantiniu pol Polinici contra su helmanu Eteocli pol puel, huendu esti el rei Teba. Esta obra hue escrebia en várias vezis, sigún diba hiziendu las leturas púbricas, de mó que tien periodus mu brillosus, frenti a otrus simpris i retólicus, mas de bambolla que de ténica. Sobresal, nu estanti, cumu tamién nel su coetanu Síliu Itálicu los estuyus sicolóhicus los pressonahis pol mé la entrospeción. La letura que debi hazelsi desta obra es la mesma que notras del su tiempu, atihá a la realiá política. Desti heitu, Estáciu, pol mé el runchaeru fraticida que mantuvun Polinici i Eteocli se quiel buscal el paralelismu cona situación vivia entri los ihus el dehuntu emperaol Vespasianu, Titu i Domicianu.

L’otra obra, la Achilleis, está inconclusa, cuertándusi el puema empençau el cantu II. El propósitu desta obra era el escrebieru la via Aquili, quiziá pal paralelismu con Domicianu. Nel primel libru se palra sobri la niñés el éroi embahu los endirguis el centauru Quirón u conas ihas Licomedi.

Estilu Edital

Cumu neocrássicu, Estáciu bebi de Verhíliu prencipalmenti i de Ovídiu, anque nu eha de leyel a Lucanu, a quien mienta paí enas Siluae. Es un autol puliu, detallista, qu’escrebi al mó que pinta el pintol, gastandu de mucha varieá de tonus i coloris, tendiendu al barroquismu.

Abreviaturas Edital

Esti autol alcibi la abreviatura de Stat., sigún el icionáriu Oxford. Pa las sus obras ain las siguientis abreviaturas:

  • Siluae: Silv.
  • De bello Germanico: Germ.
  • Achilleis: Ach.
  • Thebais: Theb.

Bibliografia Edital

  • Bayet, J., Literatura latina, Ariel, Barcelona, 19702.
  • VV. AA., Oxford Latin Dictionary, Oxford, OUP, 1968.