Güiquipedia:Duas

Duas Prantea aquí las tus duas gramaticális.

El Seranu Votacionis Quexas

Tamién guipal... Dicionariu Ortografía

Prantilla e desambiguáncia?

• Inoru si eis criau ya la prantilla e desambiguáncia, pus nu la alcuentru. Si nu es asina, lo cúmu vos paeci llamala?, Template:Desambiguáncia (esambiguáncia, desambiguación, esambiguación?) Yo votu pol Desambiguáncia, me paeci mas estremeñu. Es que la nesezitu pa deseparal "purtugués" luenga i "purtugués" nacional de Purtugal. --Pateraggelos 09:43, 31 January 2008 (UTC)

La prantilla nu está criá, lo únicu, pos hizi nel su dia una nueva categoria asiahá ena Trohi llamá "Defius" (pol estal ena mesma dua que tú). en fin, yo tamién votu pol desambiguáncia. Pol ciertu, cudia, las prantillas tamien ebin gastal el prefihu: s'eberá llamal "Template:Desambiguáncia". En cuantu lo creis, esborru la categoria "defius". Saludus! Tiu Chelu 09:36, 1 February 2008 (UTC)

Ya é criau la páhina de desambiguáncia. A vel si está correta. Nu é poniu la categoria pus nu se a cuala preteneci, si la quieris ponel tu, Hosi... --Pateraggelos 11:56, 1 February 2008 (UTC)

Hechu. Tamién é criau una categoria cola lista e tolas páhinas de desambiguáncia ena trohi. Saludinus! Tiu Chelu 12:41, 1 February 2008 (UTC)

Custionis ortugráficas i duas

• Pa esti vranu piensu tenel acabihá del tó la Ortugrafia estremeña na que llevu un añu trebahandu. Mas u menus sé las custionis de los que conocin poncima l'ortugrafia que gastu, peru asín i tó asperu que nel prazu duna semana me comuniqueis las cosinas que creyís prehisu chambal, asín cumu las duas que tengais acelca la escritura dangún tipu parabras. Asperu que na ortugrafia quein resuertas tolas duas. Cuantis cuantis la tenga acabihá, vos empuntaré un ehempral. Sientu nu puel asperal mas, peru es que en vranu nu vi a tenel Intelné. Ya vedré cúmu vos empuntu l'ortugrafia pol mé correu eletrónicu. Un salú i asperu las vuestras duas i suheréncias pa tratalas ena ortugrafia.

Fraili Carmona Valviensi 13:29, 23 June 2007 (UTC)

• • Noragüena si estás a acabihal la tu Ortugrafia estremeña. Creu qu'es una güena notícia pa tós muhotrus. Namás me petaríe qu'entrasis tamién una aspeci de apéndici colos verbus inregularis en estremeñu. Mos ayuaríe abondu. Ya sé que esa es una custión más duna gramática que duna ortugrafia, peru es una idea. Pol ciertu, las hormas de trecel presona el prural del pretéritu prefetu simpri lo cúmu son? Creu c'angunas acabihan en -un (volun, encravun...) peru nu sé si namás se gastan ena primera conhugación, pa tós los verbus o palos inregularis... Grácias. --Pateraggelos 23:12, 24 June 2007 (UTC)

Traución de nombris propius

• Una custión, enantis de crial artículus con nombris própius, consurtaimi pa vel cuála es la correspondienti estremeña, prencipalmenti nombris la Antigüeá. En estremeñu nu s'idirie "Felipi", sinu "Helipi", tapocu los nombris griegus acabihan en -s Aristótili, Parménidi, Górhia. Los nombris própius castellanus nu los trauzais pa entitulal las páhinas, es comenienti aluspués traucilus al estremeñu (si es posibri) drentu el própiu artículu, pusiéndulu entri paréntisis. Un salú. Fraili Carmona Valviensi 21:04, 18 June 2007 (UTC)

• • Estoi dalcuerdu col Tiu Fraili. Creu que yo soi el que más á metiu la pata con estu, peru lo idré arreglandu. Pol ciertu, ondi puemus consurtalti custionis cumu estas u angunas algotras duinas que se mos vaigan prehentándu? Te paici bien si las escrebimus aquina? Pa encetal yo tengu una. Las parabras qu'en castellanu esmienzan pol H-, proceentis duna F- etimulóhica, s'aspiran toas u ain ececionis? Polque, pol sabulugal, la parabrina "ihu" é viu que la gastas sin aspiración inque ahorra e "Filius". --Pateraggelos 21:59, 18 June 2007 (UTC)

• • • Nu tolas parabras latinas qu'esmienzan pol f- s'aspiran en estremeñu, prencipalmenti las siguias de líquias u ditongu, es idil, las esmienzás pol fie- (acetu "hienda"), fr- i fl-, las parabras que posei un elimentu compusitivu curtu proceenti de ph- latina i griega cumu filu-, fotu-, fagu-, fitu-, fisiu-, farma, fobi-, fonu-, fenu-, falu-, falanh-, ec. i parabras d'usiu específicu cumu "fosi", "fúria", "fición". Tapocu s'aspiran parabras d'orihin lusitanu cumu "fárria" u "fechaura", inque es posibri la desisténcia de hormas dobris cumu feitiu/heitiu, ondi nesi chascu es prefiribri el usiu l'aspiración. A la escontra, fruhin "h-" parabras qu'en latín fruhian "h" mua cumu "horidonti" (horizontem), "honral" (honorare) u nu etimulóhicas cumu "haspeau" (despedatum) (namás tengu entificás estas). Amás s'escrebin con "h" parabras qu'en latín fruhian "g-" que son namás: "alhiva" (gingiva), "helmanu" (germanum), "hielnu" (generum) i "helal" (gelare) i los sus derivaus menus "yelu". La parabra "ihu" nu fruhi "h" polque en estremeñu al nu cuental cola horma lionesa,qu'eberie sel "*hiyu", sinu cola castellana, pol cacufonia nu á conselvau l'aspiración la f. Podrás vel qu'apeninas desisti la secuéncia aspiración+vocal+aspiración+vocal en estremeñu, sarvu en onumatopeyas cumu "hihiu" u "hiheal" (recuerda que la horma *huhal i derivaus es un andaludismu, la horma correta es hulgal, hulgau). Me pahi bien que pregunteis aquí las duas. Un salú. Fraili Carmona Valviensi 16:02, 19 June 2007 (UTC)

• • Me paci bien, presonalmenti nu soi mu partidariu e traucil los nombris propius de presonas, inque sí de ciáis... Tiu Chelu 06:36, 19 June 2007 (UTC)

• • Grácias pola acraración, Fraili. É escrebiu un artículu al tentu "Arquímedes" i cumu veu que los nombris qu'el castellanu los trauci, creu qu'el estremeñu tamién eberíe hadelu, lo é indirgau cumu "Arquímei". Está bien cola perda e la -d-?

• • • Desistin dos maeas de trescrebil los nombris griegus acabihaus en -ides patronímicu: u bien conselvandu la -d- de mó que quea Parménidi, Arquímidi u bien suprimiendu la -d- queandu un ditongu largu Parméni i Arquími. Yo lihu la primel horma cola -d-, inque l'otra tamién es correta. De toas hormas aconsehu la dobri escritura cumu títulu la páhina: ponel Arquímidi u Arquími (recuerda el acentu na sílaba chana). Lo que nunca ás d'escrebil es "Arquímei", esu nu sedrie una horma estremeñidá. Un salú.

Angunus espetus lésicus i ortugráficus sobri lésicu que se ripiti

• La parabra "época" en estremeñu es chana "epoca".

• Las parabras acabihás en castellanu en "-odo" el estremeñu lo hadi en -ou: métou, periou.

• Los nombris la semana i los mesis el añu fruhin mayúscula enicial: Lunis, Martis, Miércuris, Huevis, Vienris, Sábau, Domingu; Eneru, Hebreru, Marzu, Abril, Mayu, Húniu, Húliu, Agostu, Setiembri, Otubri, Noviembri, Diciembri.

• Se idi: enantis de Cristu, aluspués u endispués de Cristu, de horma que las abreviacionis son: e. C. = enantis de Cristu i al. u end. C. = endispués de Cristu.

• La prepusición "unta" senifica "junto a". Namás pierdi la aspiración nesti chascu, polque el ahetivu "huntu" i locucionis cumu "huntu con" nu la pierdin.

Atihu esborrau

¿Polque esborrasti el atihu Ritmo del ghetto, purias abel puniu un avisu e erroris gramaticalis nu mas. Aemas el nombri Ritmo del ghetto, no tien qui traucil, polqui e l nombri un grupu e música. --Molinosdeviento 21:32, 17 Abril 2009 (UTC)

Supongu que t'esborran pol tenel poquina caliá el endirgui. Trebajamus puna Güiquipeya que tenga cierta caliá, lo mesmu ena su redación que ena presentación u enas huentis. Quandu hagas un artículu, házilu bien, alvirtiendu de que gastas otra ortografia pusiendu "algotraortografia" entri llavis {{}} u asseñalandu que andas eitándulu i no lo tienis acabijau, pusiendu "polacabihal". I si no conocis una parabra en estremeñu u no sabis mu bien cómu se dis algu (una frasi hecha, una detelminá holma verbal u angunina cosa destas) escrébimus enas muestras carabas, que pa essu andamus. Un saluinu i ánimu! --Tiu Fraili 21:49, 17 Abril 2009 (UTC)

¿Se izi falantis o palrantis? --Molinumdeventum. 01:28, 6 Húniu 2009 (UTC)

¿Crial un artículu e un libru, es violal los derechus d'autol? --Molinumdeventum. 01:49, 6 Húniu 2009 (UTC)