Yeu! Me llaman el Pairi Anhi i soi un Licenciau en Filolohia Ispánica. Aramesmizitu doi crasis particularis a zagalis i asperu á si a angún coléhiu privau le peta cohelmi pa labutal, pus las oposicionis las é ehau una mihina abaldonás.
Soi el hundaol la Güiquipeya en estremeñu, peru barruntareis lo cumu me s'ocurrió estu. Tó encetó unus añinus há. Deque un dia merqué ena Féria el Libru e Badahó El Prencipinu, la traución d'Antonio Garrido Correas, esmiencé a enteresalmi pol estremeñu. M'atoconé ena Web con un blog dun tal Ismael Carmona Garcia, ondi vi que la mi afición nu era tan rala cumu paecia. Una mihina endispués me dio pol crial la Güiqui, sobritó pa dali mas arcanci a la muestra palra i pa sel conocia pol mas henti. Enhamás pensé que mos la iban a acetal, peru en estu chegó un curranti llamau Better, que se pusu al labutu en estandu yo nun gran escorhu de tiral palatri. La verdá es que si estamus aquina oi es pol esti güen colláciu i yo le doi tol méritu el proyetu.
I pal Tiu Fraili tamién ain froris. Asperamus con fatiga la tu revisión la Ortografia i el Izionáriu, dambus dos mu nesezárius. Ismael es el muestru "gurú".
Güenu, pal restu, vos quieru envital a conocel la luenga estremeña, la curtura i la socieá desta tierra, i pol supuestu, a colabutal con muhotrus pa envelnecel esti proyetu.
Un salú compairis.
