Hernán Cortés
Hernán Cortés (1485- 2 diziembri de 1547) hue un melital i un conquistaol estremeñu, conociu polas sus conquistas en América pal Empériu Español.
Tuvu nacéncia en Medellín. En 1504 aballó ena isla La Española, i sieti añus mas tardi participó ena conquista de Cuba, ondi hue nombrau encomenderu. En 1519, al mandu de 11 navis i 660 ombris, aballó pa Méjicu, enque el gobernaol de Cuba, Diego Velázquez, se lo bia atarugau. Endespues de desembarcal, hundó la ciá de Veracruz, i al atrás de alial-se conos traxaltecas, continuó el su avançi, huendu bien recibiu en Tenochtitlan, capital del Empériu Asteca, por el su emperaol Moctezuma II. Sin embalgu, los conflitus entri españolis i astecas llevó a la salia los españolis ena hucheá Nochi Tristi, ondi perdió la huerça las sus tropas, vencias polos nativus. Posteriolmenti consiguió vencé-los ena Batalla d'Otumba, i a meyaus 1521 Hernán entra en Tenochtitlan, al atrás la derrota asteca. Estus territorius holmarun la Nueva España i Hernán hue el encargau d'escomeçal a organiçal la su almenistracion. Posteriormenti apartau del pudel, hue nombrau Marques d'Oxaca i participó en angunas acionis melitaris en España, comu la espedicion a Argel, en 1541.