Irún

Nesta página se gasta una ortografía destinta ala que normalmenti se gasta ena Güiquipedia.

Irún (en euskera Irun) es un municipio de Gipuzkoa ( País Vascu) fronterizu con Francia. Es la segunda ciá mas emportanti de Gipuzkoa alatrás la capital, San Sebastián. Tieni una pobración de 60. 914 abitantis NIE 2008. Irun es parti la comalca Txingudi, que huntu con Hendaia y Hondarribia superan lus 95.000 abitantis.

Irún
Entidad subnacional
Escudo
Coordenadas	43°20′16″N 1°47′20″O
Capital	Irun
Entidad	Monicipiu d'España
• País	España
Superficii
• Total	42,8 km²
Altol
• Media	20 m s. n. m.
Puebración (2023)
• Total	62920 hab.
• Densidá	1470,09 hab/km²
Huso horario	UTC+01:00
Código postal	20300–20305
Sitio web oficial

Escú d'Irun

Irún es la mas grandi las tres ciáis del Txingudi con una gran estensión de terrenu y grandis aglomeracionis de eificus y viviendas comu puen alcuentralsi enus barrius d’ El Pinar, Artia, Dumboa y San Miguel.

La economía de la ciá esta uñia al su caraitil fronterizu, prueba dellu es el barriu e Behobia y la torri Zaisa (Diseñá pol Juan de la Hoz, autol del palaciu de husticia de Irún) , eificu d’oficinas eicás al traspolti. Unta La Junquera, Irun es el principal pasu fronterizu con Francia. Tamién tiene argu e industria y comelciu.

Origin el nombri

En 1992 hueron alcuentras emportantis restus alquelóhicus romanus en Irun que paicin confilmal que hué Irun la ciá romana de Oiasso o Easo, que lus geúgrafus romanus situaban ena costa el territoriu vascón. Hata estus hayazgus se pensaba que Oiasso ebia estal en la autual San Sebastián, veleí el hentiliciu easonese apricau a lus naturalis de san Sebastián. Irún ebio e sel el asentamientu urbanuy portuariu relacionau conas cercanas minas de Peñas de Aya, qu’en épuca romana hueron ya esprotas y cuya esprotación á llegau cuasi que hata el presenti.

El orihin etimulóhicu de Irún esta relacionau con el nombri vascu de la ciá e Pamplona (Iruña) y el muncipiu alavés del mesmu nombri , Iruña de Oca. Curiosamenti las tres ciáis tenián nombris en latinu deferentis; Oiasso o Easo, Pompaelo y Veleia, peru ena luengua propia poseían las tres una desinación auta. Esa denominación provieni seguramenti de la parabra vasca (h)iri (ciá) y un segundo elementu que nu esta craru del to, peru que pudiera sel on (buena): la buena ciá (angunus etimulohístas idin la gran ciá). Mentras que Pamplona mantendría la concencia de la su antigüeá y la traición del dobri nombri; Irún quearía reucía a un peqeñu puebru sin concencia de lus sus oríhinis romanus y Veleia-Iruña se convertiría en un despobrau.

Duranti la edá meya y enus sigrus posterioris Irún tendría el nombri de Irún-Uranzu y con el pasu lus añus perdería esi segundu telminu del nombri.

Nu desistin deferencias entri el nombri en euskera y castellanu de la ciá. La única deferencia sedría el acentu, ya que en euskera nu desistin las tirdis, polu tantu sedria Irun en euskera y Irún en castellanu. Atualmenti la horma en euskera es la ofical, Irun.

El hentiliciu lus abitantis es irunés/a en castellanu y irundarra en euskera.

Geugrafía

Barrius

Irun tieni oficialmenti sieti barrius de caraitil estóricu: Anaka, Behobia, Bidasioa, Lapice-Lapitze, Meaka, Olaberria y Ventas de irun. Desistin de toas maeras otrus barrius o barrias sulhíus pola espansión de lus barrius estóricus y el crecimientu la ciá comu : Azken Portu, Belaskoenea, San Miguel, Abres, Uranzu, >Dumboa, Anzarán, Santiago, Puiana. Irun hadi frontera con Hondarribia al nolti, con Oiartzun al oesti y al sul con las localiís navarras de Lesaka y Bera de Bidasoa. El riu Bidasoa es el límite oriental del municipiu y hadi frontera con Hendaia y Biriatu ya en Francia. Hendaia, Hondarribia y Irun confolman el consolciu trasfonterizu de nombri Bidasoa-Txingudi

Estoria

Nu se sabi quienis huerun lus primerus abitantis , anque desitin restus romanus. Estus restus án siu alcuentraus ena prazoleta el Juncal, ena ermita e Ama Shantalen y enas minas d’Arditurri en Peñas d’Aya. S’án alcuentrau restus de cerámica, tehas, vidrius, moneas asin comu restus del puertu romanu. Estus hayasgus án hechu suponel que hue Irun la ciá vascona de Oiasso que lus geugrafus grecu-latinus mentaban ihiendu qu’estaba ena costa del territoriu vascón, el cual sedria el emportanti puertu romanu del Atlanticu huntu con el de Burdeos y Londres.

Estoricamente Irun á teniu una huerti venculación con Navarra. Antiguamenti era territoriu la tribu vascona, asentá en Navarra, frenti al restu Gipuzkoa qu’era territoriu e la tribu lus várdulus. El dialeutu palrau ena comalca es el artu navarru y nu el gipuzcoanu. Antiguamenti Irun era la salia al mal de Navarra. Irun esta vinculá a Gipuzkoa dendi’l sigru XII anque nu án siu pocus lus ententus de uñila de nueu a Navarra, a la que golvió duranti unus pocus añus al prencipiu el sigru XIX.

En 1200el territoriu que hata altoncis hormaba parti del reinu Navarra, se encorporóa a Castilla. La primel referencia escrita relativa a Irun apareci en 1203 ena carta puebra otrogá a Hondarribia pol Alfonso VII de Castilla, da en Palencia el 18 d’abril de 1203. En esa carta puebra Irun quea incriua ena hurisdición civil y criminal propia enu políticu, económicu y milital respetu a la vecina villa, Estu causo multitu e preitus y confrontacionis entri las dos localiais. La endependencia total d?Irun se consiguio dos sogrus mas tardi pola Real Céula de 27 e hebreru de 1766, otorgá pol rey Carlos III.

La situación estratéhica d’Irun ena frontera entri tres reinus, Castilla, Navarra y Francia, hidu que la ciá sufriera numerosus ataquis a lu lalgu l’estoria. En 1512 el rey Fernandu el Católicu esmienza el Castillu e Gaztelu Zahar, que hué desguardamillau pol Carlos I en 1539 pa que en casu e reconquista lus navarrus que abían contau ya con el apoyu francés pa arrecuperal el reinu nu puyeran hadelsi fuertis en el.

Un hechu emportantísimu ena estoria d’Irun hué la Primel batalla e San Marcial, el 30 e húniu e 1522, nel qu’el batallón del puebru d’Irun, el mesmu que hadia las obrigatorias muestras d’armas foralis o alardis d’armas, capitaneaus pol lus capitanis Juan Pérez de Azcue y Miguel de Ambulodi y apoyaús pola caballería del capitán General Don Beltrán de la Cueva, venció a las tropas del rey de Navarra que contaba con el apoyu el rey de Fracia pa arreconquistal el reinu e Navarra. Autualmenti tolus 30 de húniu se rememora la batalla e San Marcial asina comu las milicias foralis nel alardi e San Marcial.

En 1659 se rubricó ena Isla lus Faisanis la Pas de lus Pirineus entri Francia y España.

El 31 d’agostu de 1813 ena segunda batalla de San Marcial, se poni fin a la Guerra d’endependecia. Cona vitoria las tropas españolas huntu conas anglu-portuguesas del Duque Wellington vencierun a las topas napoleónicas.

Duranti el sigru XIX, la ciá se cio asolá polas guerras Carlistas. El urtimu hechu bélicu acaeciu en Irun hué duranti la guerra civil en 1936, el 2 de setiembri. Esi día queo destruía gran palti la ciá, encendía pol ehercitu repubricanu en retirá. La toma la ciá polas tropas franquistas supusun un duru gorpi a la Segunda Repúbrica.

Economía

La economía d'Irun esta uertimenti vinculá al setol servicus, especialemnti a las ativiaís relacionas con lus trasportis, el comelciu y la frontera. En 1841 las aduanas españolas hueron trasladás al riu Bidasoa en Irun. Dendi meyaus del sigru XIX, la ciá creci lu mesmu que lus entercambius comelcialis entri España y Francia. El ferrucarril llega en 1864 convirtiendu a Irun en estación terminal del sistema feruviariu español y en un emportanti ñu e comunicacinis con Uropa ya que es en esa terminal andi se hadin lus trasbordus necesarius pola deferncia de anchu e vía peninsulal y uropeu.

La entrá en vigol del Tratau de Schengen a prencipius de lus 90 cona apeltura dun espaciu europeu pal libri transitu e personas y melcancias endrentu la uñion europea hué un duru gorpi pa la econumía d’Irun que sufrio una emportanti recesión duranti gran palti la decada lus 90. A pesal de to, l’apertura las fronteras a meyu prazu hué un impursu favorabri a la econumía local ya que se potenciarun el setol del traspolti e melcancias pol carreteras y pol comelciu trasfronterizu.

Endustria

Duranti ciertus perius de la estoria desistierun restricionis al estabrecimientu d’endustrias en Irún, ebidu al su caritil fronterizu. Es pol ellu que nu posei una traición endustrial tan huerti comu otras localiais de gipuzkoa anqui án desitiu angunas empresas señeras comu Chocolatis Elgorriaga o Perfumería Gal. Autualmenti desitin unus 115 localis endustrialis con mas de 9 empreaus.

Sigún el Catálugo Endustrial Vascu (CIVEX) en Irun desitin las siguientis empresas con ams de 50 empreaus:

• lcad: sintonizaoris d’arradiu y telivisión.
• Bidasoa Activa: ahencia e desarrollu comalcal.
• Brioche Pasquier Recondo: biscottis, pan entegral y proustos e bollería.
• Construcciones Dumboa: empresa costrustora d’obra civil.
• Construcciones y Auxiliar de Ferrocarriles (CAF): la pranta d’ Irun de CAF s’edica a la reparación y muelnización de trenis. Amás, s'ocupa e la fabricación de componentis en poliéstil.
• Cycobask (Grupo Eurocir): circuitus entegraus.
• La Bacaladera: proustus del bacalau.
• Luso Española de Porcelanas (Porcelanas Bidasoa): porcelana.
• Luxpack: estuches y cofris.
• Mecanoplástica: moldis pa inyeción de prásticu.
• Plásticos Alai: trasfolmación, fabricación y elaboración de prásticus
• Plásticos de Lezo: fabricación de piezas de prásticu pala endustria del pequeñu eletrodomésticu.
• Servicios de Txingudi: socieá municipal encargá del saneamientu el agua, recoha e basura y limpieza viaria ena comalca.
• SNA Europe Industries Iberia: herramientas de manu de las marcas Palmera, Irimo y Acesa entri otras.
• Talleres de Escoriaza (TESA): cerrauras [14].
• Talleres Protegidos Gureak: montahis.
• Tecsa Empresa Constructora: costrutora especializa en obra ferroviaria.
• Unialco Grupo Uvesco : empresa de suministro de alimentos

Política

L’Ayuntamientu esta gobernau pol Partiu Socialista d’Euskadi [PSE-EE, PSOE]. Autualmenti l’arcaldi es José Antonio Santano Clavero. Lus socialistas posein 12 concehalis. El PP 4, el PNV 4, ANV 3 y EB 2. Tolus partius a ececión del PSE perdierun votus repeutu a las eleicionis anterioris, particulalmenti PNV y EA.

Lista d'alcardis

2007 José Antonio Santano Clavero (PSE-EE/PSOE)

2003 José Antonio Santano Clavero (PSE-EE/PSOE)

2002 José Antonio Santano Clavero (PSE-EE/PSOE) (**)

1999 Francisco (Alberto) Buen Lacambra (PSE-EE/PSOE)

1995 Francisco (Alberto) Buen Lacambra (PSE-EE/PSOE)

1991 Francisco (Alberto) Buen Lacambra (PSE-PSOE)

1987 Francisco (Alberto) Buen Lacambra (PSE-PSOE)

1983 Francisco (Alberto) Buen Lacambra (PSE-PSOE) (*)

1983 Ricardo Etxepare Zugasti (PNV) (*)

1979 Xabier Txapartegi Larrañaga (PNV)

(*) La eleición de Ricardo Etxepare comu alcardi en 1983 hué mu polémica ya qu’el candiatu mas votau hué Alberto Buen. Ricardo Etxepare salio elehiu conus votus de su partiu el PNV y lus votus de AP y la esquierda aberchali. El PSE-PSOE consiguió que la sesión d’envestidura se repitiesi hata en dos ocasionis pol un marru e horma ena primel votación. Ena segunda ocasión lus concehalis de AP s’astuvun de votal saliendu Alberto Buen comu alcardi. (**) A mitá la lehistlatura 1999-2003, el alcardi Alberto Buen dimiti y el tenienti alcardi José Antonio Santano es elehíu comu alcardi.

Demografía

Volución demográfica

1800 1.180

1900 9.912

1910 12.120

1920 14.161

1930 17.670

1940 14.368

1950 19.956

1960 29.814

1970 45.060

1981 53.445

1991 53.276

2000 56.486

2008 60.914

Monumentus

Monumentus relihiosus

• Elesia de Muestra señora del Huncal. Elesia parroquial irunesa construia entri’l 1508 y 1606 sobri un tempru anteriol. Convina elementus góticus y renacentistas. Es monumentu estóricu-artísticu nacional. En retabru á siu restaurau nel 2006 y las fachás limpiás.
• Ermita e San Marcial. Ermita contruia pa conmemoral la Batalla e San Marcial en 1552, Hué recostruia en 1904.
• Ermita de Ama Shantalen, La ermita es del sigru XIV, anque nel su interiol s’án alcuentrau restus alqueolóhicus dun tempru romanu del sigru I y duna necrópolis indíhena mas antigua. Ena autualia acohi un museu alqueolóhicu.

Monumentus civilis

• Casa consistorial: l’ayuntamientu de la ciá s’inauguró en 1763. D’estilu barrocu.
• San Juan Harri: Situa ena praza e San Juan, cerca l’ayuntamientu. Es una columna conmemorativa erihía en 1564 con una imahin de San Juan ena parti superiol de meyaus del sigru XIX. Pa angunus sinifica la endependencia d’Irun a de Fuenterrabía.
• Hospital Sancho de Urdanibia: un albergui-hospital erihiu en 1644.
• Palaciu d’Urdanibia: Construiu en 1612.
• Palaciu Arbelaiz: Sirvió d’albergui a numerosus monarcas españolis y francesis. Hué reconstruiu dispués de sel destruiu ena Guerra Civil.
• Huenti de Santa Elena: Edificiu barrocu de 1677, construiu pa alohal una pileta, huntu a la ermita omónima.
• Isla lus Faisanis: condominiu ispanu-francés sobri’l ríu Bidasoa.

Atihus p'ahuera

• Páhina web d'Irún: Ayuntamiento d'Irun