José Antonio Monago

José Antonio Monago Terraza (Quintana de la Serena, 10 eneru de 1966) es un políticu estremeñu, presienti dela Junta d'Estremaúra de 2011 a 2015.

José Antonio Monago en Mairil.

Iju dun guárdia cevil, tuvu nacéncia en Quintana de la Serena, pero la su família se muó densiguia a Badajós.[1] Cursó estúdius primárius en Baajós i en 1987 engressa en el cuerpu bomberus, ondi es jefi secion. Estudió la Diplomatura de Céncias Umanas ena Nuversidá d'Estremaúra, es Espertu nuversitariu en Criminologia pola Nuversidá de Cadi, licenciau en Derechu, Avogau del Ilustri Colégiu d'Avogaus de Badajós, i á conpretau los Cursus de Doctorau ena Nuversidá de Salamanca. A los 19 añus entró en pulítica, al sel cohundaol el Conseju la Juventú de Badajós, del cual hue vizipresienti. En 1991 hue ligiu concejal pol Partido Popular (PP) nl conceju de Badajós, i en 1995 passó a ocupal tareas de goviernu de que llegó el PP a la alcaldia, de la manu de Miguel Celdrán Matute. Á siu deputau por Badajós ena Assamblea d'Estremaúra [2] i senaol por esta comuniá [3] [4]. Dende el 9 noviembri de 2008 es presienti el PP d'Estremaúra,[5] [6] huendu el su candidatu enas elecionis de 2011. El PP ganó las elecionis peru por mayoria simpli. Monago pú sel envestiu presienti la Junta gracias a la astencion de los tres deputaus d'Izquierda Unida [7], endespués de 28 añus de gobiernus del PSOE.

HuentisEital

  1. http://www.jamonago.es/biografia.htm
  2. http://www.asambleaex.es/verdiputado-69
  3. http://www.senado.es/legis9/senadores/256_index.html
  4. http://www.elperiodicoextremadura.com/noticias/noticia.asp?pkid=365472
  5. http://www.hoy.es/20081109/regional/monago-nuevo-presidente-paso-20081109.html
  6. http://www.adn.es/politica/20081108/NWS-1080-PP-Antonio-Monago-Jose-presidente.html
  7. http://www.hoy.es/20110707/local/directo-monago-pide-confianza-201107071046.html