Práticu

Esti artícalu es un encetu Si te apeta, pueis enlial-ti a trebajal en él, precurandu más información i amejorandu lo escritu.

Se denominan práticus a los materialis constituius pol una varieda de compuestus orgánicus, sintéticus o semisintéticus, que tinin la propieda de sel maleablis i pol tantu puein sel moldeaus en objetus sólius de divelsas hormas. Esta propieda confieri a los práticus una gran varieda de aplicacionis.​ El su nombri dimana dela prasticida, una propieda delos materialis, que se refieri a la capacida de dehormalsi sin llegal a rompelsi.

Objetus de práticu de gastu cotidianu.

Los práticus son típicamenti polímerus de artu pesu moleculal de moléculas orgánicas. Gastalmenti se sintetizan a partil de dimanaus químicus del petroliu (petroquímicus). Sin embargu, tamién existin, en menol meyia, práticus dimanaus de huentis renovablis, talis cumu el áceu poliláticu. Tamién ai práticos dimanaus del armidón​ i de origin baterianu cumu los polihidroxialcanoatus.

Los práticus dimanaus de petroquímicus son de fácil habricación i los sus costus son mu bajus. Pol ellu, sus aplicacionis son múltiplis i en divelsas escalas. Más dun terciu delos práticus tantu en Estaus Unius cumu en Uropa se gastan en produtus deshechablis, talis cumu envasis, utensilius pa alimentación i bolsas de basura​. Amás, los práticus se gastan en eificación i construcionis, movilida i transporti, dispositivus elétricus i eletrónicus, agricoltura, atención sanitaria i en otrus rubrus. Los tipus más importanti de práticus gastaus nel comerciu uropeu son el polietilenu (PE), polipropilenu (PP), poliestirenu (PS), policloruru de vinilu (PVC), tereftalatu de polietilenu (PET) i poliuretanu (PU).