Pueblu-Nuevu de Guadiana

Pueblu-Nuevu de Guadiana
Pueblu-Nuevu de Guadiana
	Entidad subnacional
	;
Coordenadas	38°55′24″N 6°45′20″O / 38.923333333333, -6.7555555555556
Capital	Pueblonuevo del Guadiana
Entidad	Monicipiu d'España
• País	España
Superficii
• Total	30,95 km²
Altol
• Media	180 m s. n. m.
Puebración (2023)
• Total	1953 hab.
• Densidá	63,1 hab/km²
Gentilíciu	Pueblonovensi
Huso horario	UTC+01:00
Código postal	06184
	[editar datos en Wikidata]

Nesta página se gasta una ortografía destinta ala que normalmenti se gasta ena Güiquipedia.

Pueblu-Nuevu de Guadiana [pweβ̞lʊˈnweβ̞ʊ ð̪eɣwaˈð̪jana], conocíu ena zona comu Pueblu-Nuevu o Sarteneja es un puebru colonización que cai a 25 km de Badajós.

Nombri

El nombri de Pueblu-Nuevu le vien por sel un puebru de colonización criau con el Pran Badajós. La vos 'puebru nuevu' ena comarca asseñala alos puebrus hechus colos reguedíus, en oposición alos puebrus viejus de origin prerromanu, romanu o medieval dela zona. El apellíu de Gudiana es pol ríu Guadiana que le sirvi de arrayu al meyudía del términu. Tamién se mienta ena comarca comu Sarteneja, finca de cuya despropiación nació el puebru.

Estoria

El pobramientu en Pueblu-Nuevu vien de tiempus romanus. En el su términu, ena finca de Torre-Baxa i en El Pesquero s'án hallau abondosus restus de villas romanas, comu vasijas, cerámicas i estruturas de vivienda^[2].

Duranti la Edá Media, la pobración siguió dispersa en caseríus i cortijus, ata que ena Conquista cristiana se reforçarun los assentamientus con nuevus colonus que vinun del norti, ludiandu el lugal de Sarteneja. Esti pobranchu prencipió a despuebral-si plontu i ya pal sigru XIV quearía comu cortiju i dehesa^[3], al igual que otrus lugaris comu El Çaraço o El Fresno.

Ya en el sigru XX se produxu la despropiación delas fincas pala criación de reguedíus i puebrus por mé del Pran Badajós homentau pol régimin franquista, de má que delas tierras delos ermanus Paredes i cia. nació Pueblu-Nuevu.

A partil del añu 1953 se produzi el assentamientu de colonus estremeñus i d'otras partis de España. En 1956 es inagurau oficialmenti por Franco, quien en el su viagi tamién inagura otrus puebrus dela zona comu Val-de-La-Calçá.

En 1971 se costitúi comu Entidad Menor pertenecienti a Badajós por mé dun decretu.

Quasi tres décadas dispués, ya en 1999 se costitúi comu monicipiu i oficialmenti el 3 d'agostu de 1999^[4]. se decrara monicipiu endependienti de Badajós.