Sahurdón
Se llama sahurdón, chafardu u buharda a una crasi e costrución efímera hecha e maera u canchus que se costruia enos baldius i hesas los campus, i que se gastaba cumu vivienda, prencipalmenti pol pastoris i cabrerus, ya que nesus tiempus se desihia vivil huntu al lugal ondi pasaba las nochis el ganau. Tamién á siu el tipu e vivienda abitual duna tupa tribus enos paisis mas sudesarrollaus d'África, América i Ásia.
Sahurdón de cabrerus
Edital
- La estrutura el sahurdón era de horma cerculal, i acabihau en horma cónica para empiil qu'el áugua la llúvia entrasi nel enteriol la buharda. La cubierta el sahordón era d'escoba, polque era un vehetal mu empelmeabri i fáci d'assitial.
- Anguañu, cola desisténcia de nuevus materialis de costrución, ya abati nu se costruyin nuevus sahurdonis.
- Esta crasi de costrución era mu gastá en rehionis españolas cumu Estremaura i Castilla, pol parti los pastoris i cabrerus trasumantis.
Sahurdón d'agricurtoris
Edital
En amprias zonas de la província e Caçris ai un tipu de sahurdón costruiu entegramenti de pieras, que se costruia enos pequeñus cercaus de la sierra i cuya hunción era la de trohi de herramientas i produtus (patatas, castañas…), amás de pa güerecelsi del mal tiempu.
Sahurdón de maera movi de pastoris
Edital
Una crasi curiosa e sahurdón era el que gastaban los pastoris d'ovehas pa dormil unta las redis ondi pasaban las nochis las ovehas que diban moñigandu el terrenu, chambandu ca nochi el lugal pa dormil. Esti tipu e sahurdón es el mas chiqueninu del que se tiini conocéncia i era simprienti un cahón de maera que se tresportaba dun lugal a otru a la vezi que lo hazia la pastoria d'ovehas.