Esti artícalu es un encetu

Si te apeta, pueis enlial-ti a trebajal en él, precurandu más información i amejorandu lo escritu.


La sedi es el ansia pol bebel líquius, causau pol el instintu fásicu de umanus o animalis pa bebel. Es un mecanismu esencial de regulación del conteniu de áugua nel cuelpu i unu delos primerus síntomas de desidratación. Se produzi pol una carenzia de idratación o pol un aumentu dela concentración de salis mineralis.

William-Adolphe Bouguereau (1886)

Si el volumi de áugua del cuelpu baja dun ciertu umbral o la concentración osmótica es demasiau arta, el cerebru induci la sedi. Si la desidratación continúa, se puein original una gran cantida de probremas; los más comúnmenti asociaus son probremas neurológicus i probremas renalis.

La sedi excesiva, conocia cumu polidipsia, huntu con la diuresis excesiva, conocia cumu poliuria, puei sel un síntoma de diabetis.

Ain receptoris i otrus sistemas nel cuelpu que puein detetal una desminución del volumi de áugua o un aumentu dela presión osmótica. Son estímulus al sistema nerviosu central quandu el procesamientu central tien güena suerti. Argunas huentis​ destinguin polo tantu entri "sedi extracelulal" i "sedi intracelulal". Mentris que la sedi extracelulal es sedi genera pol un aminoramientu del volumi, la sedi intracelulal es sedi genera pol el aumentu dela concentración osmótica. Sin embargu, el ansia en sí mesma es argu generau pol el procesamientu nel cerebru, sin importal cumu es deteta.