Tian Shan
El Tian Shan (en chinu: 天山; en pinyín: Tiān Shān; 'montañas celestialis'), tamién conocíu comu Tien Shan i Tangri Tagh ('montañas delos espíritus') ena lengua yugul, es una sierra mu grandi assitiá n'Asia Central.
![](http://upload.wikimedia.org/wikipedia/commons/thumb/f/f5/TIAN_SHAN_MOUNTAINS_-_panoramio.jpg/324px-TIAN_SHAN_MOUNTAINS_-_panoramio.jpg)
La sierra, qu'esmiença en Tasquén (Toshkent), la capital del Uzbequistán, s'esparrama alo longu delas lindis entri la China, Quirguistán i Cazastán, al norti i ponienti del disiertu'l Takla Makan. Pol sul s'ajunta conas montañas dela sierra de Pamil, mesmu acercandu-si muchu alas montañas del norti del Indu Kush.
Tieni una largol de 2.800 km, acupandu un espaciu mu destensu ena Asia Central, i cuenta con dos picus qu'alcançan los 7.000 m, el Jengish Chokusu (7.439 m) i el Khan Tengri (7.010 m).
![](http://upload.wikimedia.org/wikipedia/commons/thumb/5/5f/Monta%C3%B1asDeAsiaCentral-es.svg/322px-Monta%C3%B1asDeAsiaCentral-es.svg.png)