Nuversidá d'Estremaúra
|
| |||
| • Nombri oficial | Universidad de Extremadura | |||
| • Nombri estremeñu | Nuversidá d'Estremaúra | |||
| • Tipu de nuversidá | Púbrica | |||
| • Séis | Badajós, Caçris, Méria i Prasencia | |||
| • Web | https://web.archive.org/web/20170715085618/http://www.unex.es/ | |||
La Nuversidá d'Estremaúra (oficialmenti en castellanu: Universidad de Extremadura) es un centru nuversitariu assitiau n'Estremaúra, i tuvu nacencia en 1973 (enque es a finalis delos 60 cuandu esmiençan a deprendel-si angunas materias nuversitarias ena región).
A pesal dela su relativa joventú i d'estal vertebrá nuna estrutura de campus nuversitarius multidisciplinaris, la su devisión dendi el origin en dos semidistritus, con seis en Caçris i Badajós (capitalis delas dos provincias que horman la comunidá autónoma d'Estremaúra) i un prencipiu d'equilibriu respetu del su desarrollu, á hechu que en esta nuversidá las facultais i escuelas aigan teníu un protagonismu bastanti emportanti ena via nuversitaria. Es pol essu que los centrus dela nuversidá estremeña sonin los lexis al reol delos cualis se desenreoa el aprendizagi nuversitariu superiol, la envestigación, docencia i gran parti delas atividais d'estensión nuversitaria ena su aceción mas ampria.
La Nuversidá d'Estremaura cuenta con quatru campus: Badajós, Caçris, Méria i Praséncia.
Junta las nuversidais de Cantabria, Castilla-La Mancha, Islas Balearis, La Rioja, Navarra, Ovieu, País Vascu i Çaragoça, horma el grupu de nuversiais que son únicas ena su comunidá autónoma.
Oservatorius astronómicus
EditalNel campus de Badajós, assitiau enas aldefueras dela ciá, ai estalau un oservatoriu astronómicu, dedicau ala fotometría CCD, que cuenta con un refretol newtonianu de 40 cm de diámetru i trebaja conjuntamenti con el estalau nel campus de Caçris, el catadiótricu de 20.3 cm assitiau en Aldea Moret, enas aldefueras de Caçris (Oservatoriu Astronómicu de Caçris) i el catadiótricu de 35.5 cm estalau nel Oservatoriu "Las Pegueras", en Navas de Oro (Segovia, Castilla), dambus los dos dedicaus ala fotometría en banda V d'estrellas variabris.
Campus Virtual dela UEx
EditalEl Campus Virtual dela Nuversidá d'Estremaúra (CVUE) premiti compremental la educación que los alunus recibin enas aulas. Sostribandu-si enas nuevas tenologías dela información i la comunicación, se pretendi dotal tantu a professoris i alunus, comu a pressonal d'alministración i servicius, de herramientas que amprian i mejoran los processus d'enseñaeru-aprendizagi i de labutu cordinau. La UEx promuevi la colaboración virtual pa lleval a cabu estos processus, rompiendu d'esta horma con modelus más traicionalis.
El CVUE aloja CALA, el Campus Libri i Abiertu, ondi s'encuentra Epistemowikia.