Universu

Gxermo2.svg Esti endilgui es un encetu
Si te apeta, pueis enlial-ti a trebajal en él, landeandu más información i amejorandu lo escritu.


NASA-HS201427a-HubbleUltraDeepField2014-20140603.jpg

El universu es la totalidá del espaciu i del tiempu, de toas las hormas dela materia, la energía, el empulsu, las leyis i constantis físicas que las gobiernan. Sin embargu, el términu tamién se gasta en sentius contentualis ligeramenti diferentis i aludi a concetus cumu el cosmu, mundu o naturaleça. El su estudiu, enas mayoris escalas, es el objetu dela cosmología, disciplina basa ena astronomía i la física, ena qual se describin tous los aspetus de esti universu con los sus fenómenus.

La céncia modeliça el universu cumu un sistema cerrau que contien energía i materia ascritas al espaciu-tiempu i que se rigi fundamentalmenti pol prencipius causalis. Basándosi en observacionis del universu observabli, los físicus ententan describil el continu espaciu-tiempu nel que mos alcuentramus, huntu con toa la materia i energía existentis en el.

Los experimentus sugierin que el universu se ha regiu polas mesmas leyis físicas, constantis a lo largu dela su extensión i estoria. Es homogéneu i isotrópicu. La huerça dominanti en destanzias cósmicas es la gravedá i la relatividá general es oguañu la teoría más exata pa describila. Las otras tris huerças fundamentalis, i las partículas enas que atúan, son descritas pol modelu estándal.

El universu tien polo menus tris dimensionis d'espaciu i una de tiempu, anque experimentalmenti nu se puein descartal dimensionis aicionalis. El espaciu-tiempu parezi estal conetau de horma sencilla, i el espaciu tien una culvatura meya mu pequeña o inclusu nula, de manera que la geometría euclidiana es, cumu horma general, exata en tou el universu.

La teoría oguañu más aceta sobri la hormación del universu, hue teoriça pol canónigu berga Lemaître, a partil delas ecuacionis de Albert Einstein. Lemaitre conclugó (en oposición a lo que pensaba Einstein), que el universu nu era estacionariu, que el universu tenía un origin. Es el modelu del Big Bang, que describi la expansión del espaciu-tiempu a partil duna singularidá espaciu-temporal. El universu experimentó un rápiu periou de enflación cósmica que arrasó toas las irregularidais enicialis. A partil de entós el universu se expandiu i se convirtió en establi, más fríu i menus densu. Las variacionis menoris ena destribución dela masa dierun cumu resultau la segregación fratal en porcionis, que se alcuentran nel universu atual cumu cúmulis de galaxias.

Las observacionis astronómicas indican que el universu tien una edá de 13;799±21 millonis de añus (entri 13;778 y 13;820 millones de añus conun intervalu de confianza del 68%) i polo menus 93000 millonis de añus luz de extensión.[1]

Ebiu a que, sigún la teoría dela relatividá especial, la materia no puei movelsi a una velocidá superiol a la velocidá dela luz, puei parecel paradójicu que dus objetus del universu puean abelsi separau 93;000 millonis de añus luz en un tiempu de únicamenti 13;000 millonis de añus; sin embargu, esta separación nu entra en conflitu cona teoría dela relativida general, ya que esta solu afeta al movimientu nel espaciu, peru nu al espaciu mesmu, que puei extendelsi a un ritmu superiol, nu limitau pola velocidá dela luz. Pol tantu, dus galaxias puein separalsi una dela otra más rápidamenti que la velocidá dela luz si es el espaciu entri ellas el que se ilata.

Observacionis recientis ain demostrau que esta expansión se está acelerandu, i que la mayol parti dela materia i la energía nel universu son las denominas materia oscura i energía oscura, la materia ordinaria (bariónica), solu representaría algu más del 5% del total.[2]

Las meicionis sobri la destribución espacial i el desplazamientu hazia el roju (redshift) de galaxias destantis, la radiación cósmica de hondu de microondas, i los porcentajis relativus delos elementus químicus más liherus, apoyan la teoría dela expansión del espaciu, i más en general, la teoría del Big Bang, que proponi que el universu se orginó en un momentu específicu del pasau.

En quantu al el su destinu final, las prebas atualis parecin apoyal las teorías dela expansión permanenti del universu (Big Freeze o Big Rip, Gran Desgarro), que nos indica que la expansión mesma del espaciu, provocará que llegará un puntu en que los átomus mesmus se separarun en partículas subatómicas. Otrus huturus posiblis que se bajarun, especulaban que la materia oscura podría ejercel la huerça de gravedá suficienti pa detenel la expansión i hazel que toa la materia se comprima nuevamenti; algu a lo que los científicus denominan el Big Crunch o la Gran Emplosión, peru las úrtimas observacionis van ena direción del gran desgarru.

HuentisEital

  1. Lineweaver, Charles; Tamara M. Davis (2005). «Misconceptions about the Big Bang.» Scientific American. Consultau el 31 de marzo de 2008.
  2. Prantilla:Cita web