Licopenu
El licopenu del neolatín lycopersicum, la especi tomati, es un carotenu roju brillanti y pigmentu carotenoidi y fitoquímicu que s'encuentra en los tomatis y otras frutas y verduras de colol roju, comu las zanajorias rojas, sandías, y papayas, manqui no en las fresas, pimientus rojus, o cerezas.[1] Manqui el licopenu es químicamenti un carotenu, no tié actividá de vitamina A.[2] Los alimentus que no son de colol roju tamién puen contenel licopenu, comu las jabas sidrus o el perejil.[1]
En las plantas, algas y otrus organismus fotosintéticus, el licopenu es un intermeyariu importanti en la biosíntesis d'una hartá carotenoidis, incluyendu el beta carotenu, que es responsabli la pigmentación amarilla, naraja, o roja, la fotosíntesi, y la foto-protezión. Como tós los carotenoidis, el licopenu es un hidrocarburu poliinsaturau, es izil, un alquenu no sustituíu. Estructuralmenti, el licopenu es un tetraterpenu y ensamblau a partil d'ochu unidadis e isoprenu que se componin enteramenti de carbonu e hidrógenu. Es insolubli en áugua. Los onci doblis enlacis conjugaus del licopenu le dan el su colol roju intensu y la su actividá antioxidanti. Debíu al su huerti colol y no toxicidá, el licopenu es un coloranti alimentariu útil (registrau comu E160d) y está aprobau pal usu en los EE.UU.,[3] Australia y Nueva Zelanda (registrau comu 160d)[4] y l'UE.[5]
Mecanismu d'azión del licopenu Edital
El licopenu posei propiedáis antioxidantis, y actúa protegiendu a las células humanas del estrés oxidativu, producíu pola azión e los radicalis libris, que son unu los prencipalis responsablis e las enfermedáis cardiovascularis, del cancru y del envejecimientu.[6] Además, actúa modulandu las moléculas responsablis e la regulación del ciclu celular y produciendu una regresión e ciertas lesionis cancerosas y de próstata. No se conocin exactamenti las basis biológicas ni fisicoquímicas d'estas propiedáis, peru paezin directamenti relacionás con el elevau puel antioxidanti del licopenu, una hartá más qu'otrus antioxidantis comu la vitamina E o el β-carotenu. Un pazu númeru de procesus cancerígenus y degenerativus están asociaus a dañus oxidativus sobri el genoma y los mecanismus genéticus e control e la proliferación y diferenciación celular. El licopenu actuaría com'un potenti neutralizaor e radicalis libris (óxidu y peróxidu) atenuandu los dañus oxidativus sobri los tejíus.
Véasi tamién Edital
Huentis Edital
- ↑ 1,0 1,1 url=http://nutritiondata.self.com/foods-000137000000000000000-4w.html? "Foods highest in lycopene, Nutrition Data, USDA Nutrient Database, version SR-21". Conde Nast. nutritiondata.com (2014)
- ↑ «Journal of the American College of Nutrition: Role of Antioxidant Lycopene in Cancer and Heart Disease». Archivado desde el original el 19 de agosto de 2013. Consultado el 12 de abril de 2016.
- ↑ 21 CFR 73.585
- ↑ Australia New Zealand Food Standards Code http://www.comlaw.gov.au/Details/F2011C00827 "Standard 1.2.4 - Labelling of ingredients"
- ↑ UK Food Standards Agency: http://www.food.gov.uk/safereating/chemsafe/additivesbranch/enumberlist "Current EU approved additives and their E Numbers"
- ↑ Garrido M, González-Flores D, Marchena AM, Propr E, García-Parra J, Barriga C, Rodríguez A.B. (2013). "A lycopene-enriched virgin olive oil enhances antioxidant status in humans". J Sci Food Agric 93': 1820-1826.
Atijus Edital
En Commons ai conteníu multimedia sobre Licopenu.
