Península Ibérica
 Esti artícalu es un encetu
Si te apeta, pueis enlial-ti a trebajal en él, precurandu más información i amejorandu lo escritu. |
La Península Ibérica está sitiá nel suloesti Uropa, arroeá pol Mari Mediterráneu, el oceanu Alánticu i polos Pirineus, que la deseparan del restu del continenti uropeu. Pol sul, la Península está desepará d'África (Marruecus) por el Estrechu Gibraltal, qu'es la lindi entri el mari Mediterráneu i el oceanu Alánticu.
.jpg)
La Península cuenta con 582.925 km2 i drentu los sus arrayus geográficus s'atopan España, Portugal, Andorra i Gibraltal. El su centru geográficu está nel Cerro de los Ángeles, en Getafe. El puntu mas cimeru es el Mulhacén, en Graná, con 3.478 m de zimbra. El riu con mas longol es Taju, con una largura de 1.007 km (731 km en España i 275 km en Portugal).
El su nombri provién del riu Iber, quiziás el atual Ebru, anque tamién puyera sel el Guadalquivil u algotru riu la región Güelva, andi testus mu antíguus citan un riu Iberus i un puebru al que llaman iberus. Dende tiempus remotus los griegus mentavan Iberia a la Península.
El geógrafu griegu Estrabón, palrandu de la Península Ibérica, la compara con un pelleju güe[1]:
|
ἔοικε γὰρ βύρσῃ τεταμένη κατὰ μῆκος μέν ἀπὸ τῆς ἑσπέρας ἐπὶ τῆν ἕω τὰ πρόσθα ἔχουσῃ μέρη πρὸς τῇ ἕω κατὰ πλάτος δ' ἀπὸ τῶν ἄρκτων πρὸς νότον
Ibéria se paici a un cueru güe destendia a lo largu de Ponienti a Salienti, conos miembrus lanterus apuntandu a Salienti, i a lo anchu de Norti a Sul |
 — Estrabón, Geografia.
|
Geologicamenti tien comu caraiterística especial que la huerça la su supifícii continental está confegurá comu una meseta, con una altura meya de 600 metrus pol cima el nivel el mari; el su litoral norti, noroesti oesti es rocosu i con acantilaus, huendu el litoral esti, sulesti i sul mas suavi. Dalcuerdu a la situación geográfica, la Península Ibérica tamién horma parti de Fráncia, ya qu'ésta s'entra házia el sul.
| País u dependéncia | Puebración | Longol (km²) | Capital |
|---|---|---|---|
 Andorra
|
71.800 | 467,76 | Andorra la Vieja |
 España
|
44.000.000 aprox. | 504.798 | Mairil |
 Gibraltal
|
27.714 | 6,50 | Gibraltal |
 Portugal
|
10.045.212 | 89.261,00 | Lisboa |
 Fráncia
|
Sul de Fráncia | Sul de Fráncia | París |
| Península Ibérica | 51.426.301 | 581.908,26 |