Ceborrincho, relatos extremeños
| ||
| • Nombri original | Ceborrincho, relatos extremeños | |
| • Utol(ris) | Miguel Herrero Uceda y Elisa Herrero Uceda | |
| • Géneru | Relatus | |
| • Añu | 2013 | |
Ceborrincho es un libru de deciochu relatus, escritus en estremeñu, de los autoris Miguel y Elisa Herrero Uceda,[1] ondi se cuenta, velaí, en los diferentis relatus, comu se vivía en los pueblus d'Estremaúra polos añus cincuenta o sesenta.[2] Refundíu con los aconteceris se cavila sobri las costumbris y los saberis d’andenantis.[3]
Se parla de los dagalis, del pastoreu, del cini, de las viñas, del casoriu, de la nochi e lobus, de la recogía d’acitunas, del entierru, de los bañus en el ríu, de la feria, de los Santus, de los lagaris, de las corroblas, de los emigrantis...[4]
Tieni abondus santus originalis dibujáus a plumilla por el artista Antonio José Herrero (Ton).
A dos de estus relatus le dierun el primer y segundu premiu Luis Chamizo de prosa en estremeñu, 2012.[5] [6]
Esti libru se mienta y s'escudriña comu ejemplu de estudiu de las palabrinas, velai, del güen palral en estremeñu, dentru del temariu de Lengua española y Literatura del bachilleratu, pa que tous los estudiantis de España lo tengan aprendíu.[7]
Otrus librus escritus por estos autoris son: Extremadura en el corazón, Mi Extremadura, Mamaeña y El alma de los árboles.
Referencias
Edital- ↑ Moral,G.¡Palremus estremeñu! Periódico de Extremadura, 3 noviembre 2013
- ↑ Herrero Uceda, Miguel y Elisa: Ceborrincho. Elam editores. 2015. ISBN: 978-84-936585-5-7
- ↑ Herrero Uceda, Miguel. Libros que hacen volver Periódico de Extremadura 25 agosto 2013
- ↑ Ceborrincho. Elam Editores.
- ↑ Agut, Nieves. Presentan un nuevo libro de relatos extremeños. Periódico de Extremadura. 1 octubre 2013
- ↑ Reconocen la labor de dos vecinos de Ceclavín. Periódico de Extremadura. 30 abril 2014
- ↑ Echazarreta Arzac, José María y García Aceña, José Luis. Lengua castellana y Literatura, 1º bachiller. pág. 40. Editorial Editex, 2015 ISBN: 978-84-9078-502-7
Atijus p'ahuera
Edital