Juan García García
 Esti artícalu no tien huentis ni referencias |
Juan García García (Ahigal, 8 marçu el 1918) conociu populalmenti comu el pueta-carteru, hue un escreviol del Ahigal.
| Juan García García | ||
|---|---|---|
| Enhormación pressonal | ||
| Nacionalidá | Española | |
| Enhormación profissional | ||
| Oficiu | Escrevienti | |
Biografía
EditalJuan García García tuvu nacencia ena villa cacereña del Ahigal el dia 8 Marçu el 1918. Era iju labraoris.
Escomencipió a dil a escuela a los quatru añus, recebiendu várius prémius a los 10 añus pola su aplicación.
A la eá de 17, aballó a Caçris, andi engressó ena Academia Guardiola en paragi de salil carteru. Allí anduvu dos añus a estuyal hata el estrumpiu la Guerra Cevil española. Hue altonci quandu tuvu que sirvil comu cabu.
Passó la via comu carteru i pueta, diendu numerosus recitalis. Amás colaboró ena presna regional.
Emfeneció el 12 Jeneru 1996, en San Rafael, Segóvia. Aguañu, el puebru el Ahigal tien una calli anombrá Juan García García.
Obra
EditalEscrevió en castellanu i en estremeñu várias obras. La su primel puesia fecha del 1936, entitulá De la Trinchera al Pilar. La su puesia tien un hondón moral, religiosu i costumbrista.
En 1949 espubrica Hogar cristiano extremeño. Quatru añus endespués saca la que quizá es la su obra mas soná Los beneficios del teléfono, una obra dramática en velsu andi s’afronta el pobrema la conceción rural de las nuevas tenologias. En 1956 escrevió Reflexiones y consejos, cuyas tres edicionis están agoteás.
La obra Un cristiano labrador y el Seminario Mayor hue representá en el Gran Teatro Caçris i tamién bichá en algotrus teatrus hue Boda típica extremeña, que sirvió de sostribu a la penicla La ruta de los borregos.
Otras obras suyas son Aquel que gasta a lo loco, camina hacia la miseria, La llamada de Cristo o Claveles de mi tierra (1977).
Las puesias ¡Hijos ingratos! i Envidia santa feguran ena Primera Antología de Poesía Extremeña.
Premius i reconocencias
EditalGarcía García consiguió albondosus prémius i nombradia en Estremaura, reconociu pol ayuntamientus i entiais. Son asseñalaus veloquí estus:
- Primel prémiu “Gabriel y Galán”; Segundu prémiu nel “Premio Hispanidad” de Guaalupi,
- Mención enos “Juegos Florales de Cáceres”, 1974.
- Segundu prémiu enos “Juegos Florales de Montánchez”, 1975.
- Accesit en el “Premio Hispanidad”, 1976.
- “Poeta de Honor de los enamorados de Extremadura”, 1989.
Bibliografia
Edital- Martínez Terrón, L., Primera antología de poesía extremeña, Cáceres, ed. Autor, 2005.
Atijus p'ahuera
Edital- Juan García García ena antígua web del Ahigal
- Juan García García: El poeta cartero. El poeta del pueblo, por Eloy Paz Hernández
Datos: Q43679128
