Francisco Durán Domínguez
Francisco Durán Domínguez (Casal Caçris, 17 noviembri el 1911) es un pueta cacereñu, autol los puemas Miedo sabroso i El mendigo.
| Francisco Durán Domínguez | ||
|---|---|---|
| Inhormación pressonal | ||
| Nacencia |
17 de noviembre de 1911 (112 años) Casar de Cáceres (España) | |
| Nacionalidá | Española | |
| Inhormación profissional | ||
| Oficiu | Poeta | |
Biografía Edital
Francisco nació nel Casal Caçris, Caçris. Quandu nuevu trebahó cumu cabiceru una piara guarrus, con poquinu tiempu pa dil a la escuela. Sedria maestru suyu Ángel Rodríguez Campos, escrebiol coñociu embahu el moti "Helénides de Salamina".
La su afición polas letras vinu tras ensiñalsi a escrebil enas antíguas cartillas ena soleá campuza i mas tardi s'enliara a leyel a Luis Chamizo i a Gabriel y Galán i era motivau pol su mairi a la qual eicaria mas tardinu dendi la carci ¡Llora campesina, llora!.
Nel tracamundeu la Guerra Cevil, Francisco hue aprissionau pol várius mesis, ocassión qu'aprovechó pal escrebieru. Nestus tiempus carci escrebió Miedo sabroso (1939) i El mendigo (1940).
De que salió de la carci s'empreó ena RENFE hata hubilalsi.[1]
Obra Edital
Con un estilu chanu relata esperéncias las hentis los campus i los puebrus. Conoci la luenga el puebru i la gasta de suertu en puemas cumu La Pitera. Con tó i con essu, la su luenga es un estremeñu albondu castellanizau, anque precura siguil la línia grabielana nesti espetu. En El Milagro, a la escontra, sigui tema i luenga chamiciana. Nu espubricó la su proyeición literária i los sus puemas.
Premius i reconocencias Edital
- Primel prémiu en Palra populal ena primel eición el conculsu puesia Ruta de la Plata con Miedo sabroso.[2]
- Ganaol ena categoria Palra populal ena segunda eición el conculsu puesia Ruta de la Plata con El Milagro.[2]
- Accesit ena categoria Palra populal tamién ena segunda eición el mesmu certamin con La Pitera.[2]
- Accesit ena categoria Palra populal ena quarta eición el conculsu puesia Ruta de la Plata El Mendigo.[2]
Referencias Edital
- ↑ «150º Aniversario del nacimiento de José María Gabriel y Galán: Maestro y Poeta del Pueblo en tren, poesía española ferroviaria y el fin del tren del valle del Ambroz – CHDE Trujillo». chdetrujillo.com. Consultado el 8 de febrero de 2023.
- ↑ 2,0 2,1 2,2 2,3 «ABC MADRID 06-06-1978 página 63 - Archivo ABC». abc. 12 de agosto de 2019. Consultado el 8 de febrero de 2023.
Bibliografia Edital
- García-Plata de Osma, Rafael, Ruta de la Plata. 10 años de poesía en Extremadura, Mairil, ei. Rafael García-Plata Quirós, 1986.
- Martínez Terrón, L., Primera antología de poesía extremeña, Caçris, ei. autol, 2005.
Datos: Q25689062
