Elisa Herrero Uceda

dotora, científica, inginiera inhormática, escreviora i relatora de puesía

Elisa Herrero Uceda (Ceclavín, Caçris, 7 de noviembri del 1957 - Mairil, 21 de mayu del 2020) hue una escreviora, dotora, científica, inginiera inhormática i relatora de puesía. Defendeora comprometía dela naturaleza, la conservancia delos saberis tradicionais dela coltura estremeña i la su luenga estremeña.

Elisa Herrero Uceda
Inhormación pressonal
Nacencia 7 de noviembre de 1957 Ver y modificar los datos en Wikidata
Ceclavín (España) Ver y modificar los datos en Wikidata
Muerti 21 de mayo de 2020 Ver y modificar los datos en Wikidata (62 años)
Madrid (España) Ver y modificar los datos en Wikidata
Nacionalidá Española
Educación
Educau en
  • Universidad Autónoma de Madrid
  • Universidad Politécnica de Madrid Ver y modificar los datos en Wikidata
Inhormación profissional
Oficiu Escrevienti Ver y modificar los datos en Wikidata

Biografía Edital

Dotora en Biología pola Nuversidá Utónoma de Mairil, hizu'l su posdotoral en el Medical Research Council de Cambridge n'Ingalaterra. Tamién hue inginiera en inhormática pola Nuversidá Politénica de Mairil, peru al mesmu tiempu, amanti de la su tierra, enjamás olvió los saberis tradicionais i las querencias pol campu i la hesa, refrexándulus enos sus escritus.[1]

El 31 de mayu del 2014 hormó parti del encuentru i la corrobra d'escrevioris estremeñus veníus d'endrentu i d'ahuera dela Estremaúra, nel su pueblu de nacencia, Ceclavín (Caçris).[2][3][4][5] Participó i calavoró nel encuentru anual dela "Semana delas Letras dela Complutensi".

Participó enos encuentrus líricus que dava juntu al su ermanu, tamién escreviol i apregonaol, Miguel Herrero Uceda. Comprometíus dambus i dos cona conservación delos saberis tradicionais dela coltura estremeña.[6]

Devíu a esta concencia escrevian los sus librus sobri la coltura roal dela Estremaúra, i dos librus de relatus, escritus n'estremeñu, Ceborrinchu i Mamaeña.

Era ermana tamién del pintol Antonio José Herrero Uceda, con quien calavorava enas sus esposicionis y del escribiol, naturalista y divulgaol Miguel Herrero Uceda.[7]

Atividá vestigaora i científica Edital

Hue dotora en Biología pola Nuversidá Utónoma de Mairil. Nel Medical Research Council de Cambridge, analizó la proteína acetilcolinesterasa, un componenti llavi pa lucheal ena contra l'Alzheimer.​ Á pubricau muchus artícalus enas revistas entrenacionalis de vestigación sobri la neurocencia.

Hue tamién inginiera en inhormática pola Nuversidá Politénica de Mairil.[8]

Obra Edital

Librus Edital

 
Tardi d'escrevioris estremeñus teníu lugal en Ceclavín el 31 de mayu del 2014.

Teatru Edital

  • Soi mugel, soi tierra, estrená el 5 de marçu del 2016, pola Semana dela Mugel, en Coslada nel 2016, apreparau pol Ayuntamientu de Coslada i la Casa Regional d'Estremaúra en Coslada pa celebral el Día Entrenacional dela Mugel trebajaora. Esta obra está escrita n'estremeñu. Nesta localidá ai una reonda dedicá a Estremaúra con una enzina i una escoltura de cigüeñas i que tieni un monicli de canisca con una puesía d'Elisa titulá Ala enzina estremeña. Tolos añus, al acaberu de marçu s'arrejunta la Casa Regional d'Estremaúra pa hazel una fiesta populal ena que, hata la su muerti, leyía un declarau nel defendimentu dela naturaleza i las tradicionis estremeñas.[9]
  • Dalí a vara, se mesturan las lavoris campestris conos sentimientus mas prohundus.
  • La corrobra, saineti delas vivencias i caravas corrientis nun puebru.

Premius i reconocencias Edital

  • Segundu premiu “Luis Chamizo de prosa n'estremeñu“ (2012).
  • Reconocencia ala criación. Ateneu d'Arroyu dela Luz (Caçris) (2013).
  • Reconocencia al su lavutu por mé del apregonamientu i el defendimientu dela Coltura estremeña. Asociación Coltural Pablo Gonzálvez. Miajás (Caçris) (2014).[10]

Día delas Letras Estremeñas Edital

 
Menumentu dedicau al I Día delas Letras Estremeñas

Comu omenagi póstumu pol su defendimientu del mundu coltural delo estremeñu i la su luenga, l'OSCEC col sostribu dela Junta d'Estremaúra, las Deputacionis i otrus organismus estremeñus, estituyó nel 2021 el Día delas Letras Estremeñas. Esti día, comu enas celebracionis en Galicia, Canarias i Asturies a tentu las sus luengas, se hazi omenagi a aquellas pessonas que destacan pol su criaeru literariu en anguna delas luengas estremeñas, comu sonin el estremeñu, a fala o el portugués raianu.[11]

La primel edición d'esti Día se dedicó a Elisa i se celebró en Ceclavín, el su puebru de nacencia, que primeramenti estava praneau pal 7 de noviembri del 2020, el dia dela su nacencia, peru por mé del andanciu se adió pal 22 de mayu del 2021, nel primel aniversariu dela su muerti. Se hizun unas atividais al reol dela figura dela escreviora i se descubrió un monicli con una puesía suya n'estremeñu, qu'está nuna praça d'esta localidá.[12]

Referencias Edital

  1. Paniagua Simón, Eladio. "Extremadura en el corazón", nuevo libro de los hermanos Herrero Uceda. Periódico Hoy. 23.08.11.
  2. Entrevista Tarde de escritores en Ceclavín Canal Extremadura Radio. 30 de mayo de 2014
  3. Ceclavín: Encuentro de escritores esta tarde. El Periódico de Extremadura. 31 de mayo de 2014.
  4. Agut, Nieves. Periódico Crónica de Coria. Agosto 2014
  5. Herrero Uceda, Miguel. El retorno de los escritores. Revista Aceña. Agosto 2014
  6. "Elisa Herrero Uceda" Elam Editores. 2015
  7. Exponen "Semblanzas de Mi Extremadura. Periódico de Extremadura. 23 noviembre 2015
  8. «Cachinu e cielu para mi amiga Elisa - Bio (Ciencia+Tecnología)». 26 de junio de 2020. Consultado el 11 de agosto de 2023. 
  9. Semana de la Mujel. Ayuntamientu de Coslada
  10. Reconocen la labor de dos vecinos de Ceclavín. El periódico de Extremadura. 30 de abril de 2014
  11. «Ceclavín acogerá el primer Día de las Letras Extremeñas». Hoy.es. Consultado el 9 de agosto de 2023. 
  12. «El I Día de las Letras Extremeñas en Ceclavín se dedicará a Elisa Herrero Uceda». El Periódico Extremadura. Consultado el 9 de agosto de 2023. 

Atijus p'ahuera Edital


Literatura n'estremeñu

Autoris: José María Alcón OliveraJuan José CamisónIsmael Carmona GarcíaVicente CorralesCruz Díaz MarcosFrancisco Durán DomínguezJuan García GarcíaAniceto Garrido RetortilloJosé María Gabriel y GalánAntòniu Garríu CorreasPablo GonzálvezElisa Herrero UcedaMiguel Herrero UcedaEnrique Louzado MorianoLuis Martínez TerrónJosé Benito Mateos PascualAntonio Sánchez Gil

Obras: Al tentu la providénciaLa Cohtitución Ehpañola en EhtremeñuEl corral los mis agüelusEbanheliu sigún San HuanPrimera Gramática EhtremeñaPrimera Antología de Poesía ExtremeñaEl PrencipinuPan i vereaRequiloriosLos beneficios del teléfonoEl serano de las comadresLa nueva literatura en estremeñuLa nueva literatura en estremeñu 2Ceborrincho, relatos extremeñosMamaeña, relatos extremeños

Webs: BelsanaLa billota literáriaCúyu pan esgarras?EstremaWebGüiquipeyaLa gurullaOgañu

Guipal más endirguis al tentu...