Tomás Chiscano Andújar

Tomás Chiscano Andújar, maestruscuela i escrebiol serón.

ViaEital

Tomás tuvu nacencia en Villanueva la Serena. Trebahó de maestruscuela. Hueraparti la su labutación docenti, tien escritu en várius periódicus rehionalis i revistas. Ogañu está hubilau, anque acontina escrebiendu. Tamién es hundaol el coletivu Villanueva Porticvs.

ObraEital

Esti autol serón tien escritas várias obras, angunas inéditas, lo mesmu de velsu qu’en prosa. Espubricaus tien dos librus puemas, veloquilus estus:

  • Todavía.
  • Borbotones de ensueños.

Cumu escrebiol tien ganau angunus prémius tamién, tantu en Estremaura cumu huera della. Son veloquí estus:

  • Primel prémiu "Lecturas" con La plaza de San Cristóbal (narración) en 1975, Barcelona.
  • Primel prémiu en tema local nel "II certamen literario Santiago y Santa Ana" con Si alguna vez (puema) tamién nel 1975, en Villanueva la Serena.
  • Primel prémiu enos "VII Juegos Florales de la Poesía ‘AGLA’" i prémiu "Rafael Gómez Castell" con Floreció (puema) en 1987, Montihu.

Amás queó finalista enos I, III i IV "Premios Antonio García-Oriozabala" qu’olganiza el diáriu HOY enos añus 1981, 1983 i 1984 al respetivi.

Amás recientimenti espubricó un parabreru castú entitulau Vocabulario serón, andi s’arrecohin vozis cumu jarca, sandunga, candongo, ajunque u jariego. Amás enclui angunas las parabras ténicas pretenecientis a la herga las artis gráficas u un apendis con locucionis i frasis hechas.

BibliografiaEital

  • Tomás Chiscano Andújar, Vocabulario serón, Carisma libros, Badahós, 2007.
  • Tomás Chiscano Andújar, Borbotones de ensueño, Beturia, Mairil.