Luisa Durán
Luisa Durán (Logrossán, 19 de outubri de 1934 - Vigu, 16 de abril de 2022),[1] mas populalmenti conocia comu "la cigarra estremeña", es una prolija escrebiora estremeña autora de puesia, prosa i teatru.
| Luisa Durán | ||
|---|---|---|
| Enhormación pressonal | ||
| Nacencia |
19 de octubre de 1934 Logrosán (España) | |
| Muerti |
16 de abril de 2022 (87 años) Vigo (España) | |
| Causa de muerti | Hemorragia cerebral | |
| Nacionalidá | Española | |
| Enhormación profissional | ||
| Oficiu | Poeta y escrevienti | |
Biografía
EditalLuisa tuvu nacéncia ena villa cacereña de Logrossán el 19 Outubri el 1934, andi vivi hata los 23 añus.[2] Allí escomençó a desarrollal la su pasión puética, cuyus primerus velsus datan de quandu tinia seis añinus namás. De que tuvu la eá, aballó pa los Mairilis a estuyal Magistériu.
A los 23 añus dehuyi pa la Borgoña francesa junta la su família.[2] Naquella región conoció al que huessi el su mariu. Atuó en Dijon el 1 Mayu el 1963, ena Borsa Trebaju, andi hue mu celebrá. Sieti añus endispués, vien pa España i s’assienta en Mairil. Allí se consagra al su empiqui literáriu espubricandu librinus puesia i participandu nel arrádiu en destintas emissoras. Destus tiempus nel arrádiu es andi le vien el moti "la cigarra estremeña", pol mó Joaquín Prat.[3] Endispués vendrian obras en prosa i anguna teatral.[4]
Obra
EditalLuisa Durán escrebi mucha puesia, tantu en castellanu comu en estremeñu. La sus obras puéticas son velaquí estas:
- Tu nombre llevo en silencio (1970).
- Mi tierra (1981).
- Vivencias (1996).
- El canto de la cigarra (2002).
Alogu tien en prosa una obra al tentu las costumbris i ofícius antíguus, entitulau Oficios perdidos: Costumbres y recuerdos de mi infancia (2002). Obras teatralis son Qué tiempos! i En casa del alcalde, amás del saineti La feria.
Referencias
Edital- ↑ F., M. (16 de abril de 2022). «Muere la poetisa extremeña Luisa Durán». Hoy (Cáceres). Consultado el 17 de abril de 2022.
- ↑ 2,0 2,1 «Fallece Luisa Durán, 'La Cigarra Extremeña'». Canal Extremadura. 17 de abril de 2022. Consultado el 10 de abril de 2023.
- ↑ «Homenaje a Luisa Durán por promocionar el castúo». periodico.extremaduramola.es. Consultado el 10 de febrero de 2023.
- ↑ Pino |, Carlos a (4 de octubre de 2008). «Homenaje en Habla Extremeña a Luisa Durán». miajadas. Archivado desde el original el 16 de abril de 2023. Consultado el 10 de abril de 2023.
Bibliografia
Edital- Martínez Terrón, L., Primera Antología de Poesía Extremeña, Caçris, ei. autol, 2005.
Atijus p'ahuera
Edital
Datos: Q28599783
Multimedia: Luisa Durán Broncano / Q28599783
